Maka 7:7 - BAṈARA KO VAIRU AMA LEVELEVEO

⁷ ni seko ilusilo aṉa ta utube ama, ako seta kebe mati nianiiekika seko maba poso ke ṉavi ke erekako bazu sole, melai pui aṉa aba katimema bazu,’ kikolani.

Maka 7:7 交叉引用

Matiu 15:9

ni seko ilusilo aṉa ta utube ama, ako seta kebe mati nianiiekika seko maba poso ke ṉavi ke erekako bazu sole, melai pui aṉa aba katimema bazu,’ kikolani.”

Jemisi 1:26

Esa kala ta o kerukeruta ta vota lotu maba inio, melai pui o kati vailou voko lenio, ta voko lotu saevo ta pui ko malezia ni vota ota saruiva.

Kolosi 2:22

Ako soama tabu poso ta ko niumaema se maba poso so keru se kekai iruruputa keru. Koa tabu poso ta maba poso pala ke kasekako tu kekai nianiiekato.

Matiu 6:7

“So keru meme vararaitou keru, meta pui meqai pesiovou kubo utube ama pesio poso omadeuvo se kutumana kamu ke kavani jari, se kekai vararaitani matu kubo pesio tu seko baṉara poso ta keta ma viqo se seko rosi ama vararaito.

Taitasi 3:9

Melai taka papariovi ko sarube ama aivekinio, ni ko rosi ama koilokoilo poso ko aivekinio, ni vo Mosese ko Bazu kai ketuketuekinio. Ako koa kiadama ti utube ama ni kalo pide ama sole.

Kelokelozato 22:18

Aṉa Jone lala ta a balauvimela mea kiada mela meme viqani mela ko pidokato sama bazu poso koko evako komia buka kale, ko eri: esa kalaṉa ta ṉoqa zariovou kati padoto kama quli sai, ta Baṉara ta mata o ṉati padotou ṉo ko koqotato koa ave poso koko kaseima komia buka kale.

Jemisi 2:20

Ṉoa sarubea laṉa! Ṉota ṉoqai zaria tu aṉata kasa a iko koa oqu iruruputo pide ama ta vouma, kio? Ta eri nio.

1 Koriniti 15:14

ni vo Karisito ta pui opa tova saeve voukale azo tea pulia quli kio eṉeko Bazu ni meko tuvevo pueko koa Bazu melai puliama quli kio.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.