Maka 4:20 - BAṈARA KO VAIRU AMA LEVELEVEO

²⁰ Melai kake maba poso ta koa sisu koko piako uri ama miduku kale jari. Nio se inio ke viqani koa bazu, ni ke tukiekani, ni kota kota epamata, ni kama koko epa ko rurururu ta zouke toni sisu sama, ni kama ta varimuja toni, ni kama ta omadeu paizana sama,” kiolake vo Jisu.

Maka 4:20 交叉引用

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

Luke 8:15

Ni koa rui koko piako uri ama miduku kale ta ko mamola puema sea poso seke viqani ko bazu ni ke uria tukiekani ko seko uri ama zoripato sama bulo kale, ni seta ke pataita seko oqu kale ti seta ke epamata,” kiolake.

Maka 4:8

Melai kama sisu ta ko piake uri ama miduku kale, ni kota ko uria qotupake ni ko velokake ni kota epamatake. Ni kama koko epa ko rurururu ta zouke toni sisu sama, ni kama ta varimuja toni, ni kama ta omadeu paizana sama.”

Matiu 13:23

Melai koa sisu koko piako uri ama miduku kale ta ko mamola puema sea maba poso seke viqani koa bazu ni ke paqumukani, ako koa bazu ta ko puratika matu kubo uri ama iruruputo seko saevo kale, omadeuvo kama koa sisu ta ko puratika omadeu paizana sisu sama rurururu, ni kama ta varimuja toni sama, ni kama ta zouke toni sisu sama rurururu.”

2 Pita 1:8

Ni komi quli ta ko elou me tona ni ko rapukou ni matu ko elou ta ko ikio ko tauvemelou ni meta pui utua mela melai ko ikio ko tauvekou meko vai nianiio animevo Lekasa Jisu Karisito tu kokale meko saevo ta uri ko elou.

Romu 7:4

Sokale avo me, aṉako tamania kalea mela, Mosese ko Bazu kati vailo kale azo meta lula meda zomana vou vo Karisito sate, ni erisaṉa meta voko mela inio vo o saeveni voukale azo, tu animeta me uria va nabuluputou vo Baṉara.

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

1 Tesalonaika 4:1

Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Matiu 13:8

Melai kama sisu ta ko piake uri ama miduku kale, ni kota ko uria qotupake ni ko velokake ni kota uria epamatake, ni kama koko epa ko rurururu ta omadeu paizana sisu sama, ni kama ta varimuja toni ni kama ta zouke toni sama.”

Jone 15:2

Nio vota o kobueka ni o ṉamuka kiadama kata poso ko pui ko epamatako aṉa kasi azo, ni vota o puputika kiadama kata poso koko epamatako tu kota tova ko matu velokou.