Maka 3:7 - BAṈARA KO VAIRU AMA LEVELEVEO

⁷ Nio vo Jisu ni voko disaipeli madu ta ke vaekake koa matu peuru ni keta olake Qalili toupa kasi, ni matu kubo vaki ta ke luluevake vo. Seta ke kuevani Qalili ni Jiudia azo,

Maka 3:7 交叉引用

Luke 6:17

Ni sea toni omuqa sate inio Jisu ta o saqorake sopu kale azo, ni vota o baroake kama pado sare ama zaekale sai mota kamu vo ke luluevani maba madu ke toraevekoi. Ni mata kubo maba madu ta ke padoivake sai seke kuevini Jiudia ranʼazo ni Jerusalema azo ni koa omuqa matu peuru Taea ni Saidoni ko keta kalea vasia ranama peuru poso kale azo,

Matiu 4:25

Sokale avo inio koa matuma vaki ta ko luluevake vo Jisu, ni seta Qalili rana mu, ni koa Tonipeuru kale azo amu, ni sea Jerusalema mu, ni mata kama peuru poso kale amu Jiudia rana mu, ni se Jodani sukuru ka pake amu.

Matiu 12:15

Ni vo Jisu ta okai nianiiake seko korokorotato, so sole vota ota vatutake koa zaekale azo, ni matu kubo vaki ta ke luluevake vo. Ni vota o urikimake muli sea vere ama maba poso.

Luke 23:5

Melai seta kevai matu titiake vo Paelati ni eri kikelake, “Voko nianiiekato kale inio ko niumaniumato ko kerukeru ta lula ko tanita kiadama maba kasi se Jiudia peuru poso kale ke evani maba poso kasi. Vota o tanieke Qalili peuru poso kale ti obeta baroa koi vairutu,” kikelake.

Luke 6:12

Ni kama poso ṉaniu ko tova inio Jisu ta o peatake kala sopu kale vararaitole, ni koa pado ama ipu vota o vararaitake Baṉara kasi.

Maka 1:39

So sole vo ni voko disaipeli madu ta kekai taliake kiadama zae poso Qalili, ni vota o bazubazutake seko ilusato ko pade poso kale ni o rerikake ko ziolo poso.

Matiu 10:23

Ni seke melai kaikuapou keru me matu peuru kale, meta me joqoilou mata kala zavaṉa kale. Tuvevo avole aṉata a bazuemela me, puliako okotiko meko iruruputo kiadama Izireli matu peuru poso kale inio aṉa maba a eveni lala ta ada vaitou.

Iruruputo 17:14

So sole seke tuvevo putani ta ke soroevake vo Paula taukavole seko siqo kale ama peuru kale azo ketale, melai Sailasi ni Timoti ta qopeta evake sai Berea peuru kale.

Iruruputo 17:10

Nio koa ipu inio seke tuvevo putani ta ke soroekake Paula ni Sailasi Berea peuru kale, ni so keru nioqa qo baroa keru sai, nioqata qo amaqeake se Jiu amu ko ilusato ko pade kale.

Jone 7:52

Nio seta ke vati tiorikake vo, “Ṉo melai Qalili rana lana, kio? Lezumuka ko Tabu ama Riki ni ṉota ṉo baqumukou ko puliala poropita ta o purata Qalili kio, nea maba o kuevikoi kazo,” kikelake.

Jone 7:41

Ni mata kake ta eri kikelake, “Vo inio vo Baṉara o soroeveni Pakio!” Melai mata kake ta eri kikelake, “Pui, vo Baṉara o soroevani Pakio ta pui opa kilou Qalili ranʼazo!

Matiu 12:16

Ni vota o katimake se ko bazu tu seta pui kevai bazutou noni ala maba inio vo Jisu.

Maka 1:45

Melai so keru voa maba o vaita keru, vota o taniekake kai bazubazuto koa kiadama zae poso kale. Ni Sokale avo inio Jisu ta pui o roveake talio maba ko vilu kasa koa peuru poso kale. Melai vota o evake koa peuru poso ko kupekupe, sai maba poso pui ke evakoi, melai sai melai sea maba poso ta kebe vai olaolaitake seke kuevani azaazama peuru poso kale azo.

Maka 3:20

Ni vo Jisu ta mata ota vaitake pade kasi. Ni so keru inio matu kubo vaki ta kevai kuevake ni ke aramuvake vo. Sole Jisu ni voko disaipeli madu ta puliama taku ke koake tu ke vuato.

Maka 4:1

Ni vo Jisu ta mata o nianiiekimake se Qalili toupa ko keta kale. Ni matu kubo vaki ke padoivani sai ta ke aramuvake vo, sole vota ota zazuke vaka topi ni ota papuake sai. Ni voa vaka ta o totuke, ni sea vaki ta ke lojoake koa toupa ko ketaketa.