Maka 2:5 - BAṈARA KO VAIRU AMA LEVELEVEO

⁵ Nio vo Jisu ta ota mai nianiiake seko oqu, nio vota eri kiolake voa maba pui o roveani vezokato kasi, “Meqora! Noko sarueko poso ta kota ṉa akoiva,” kiolake.

Maka 2:5 交叉引用

Matiu 9:2

Sai nio kake maba madu ta ke vati olake kala maba vokasi, pui o roveani vezokato, ke borivani bourobouro kale. Nio so keru vo Jisu ota ma kea keru seko oqu vota eri kiolake voa vere ala maba kasi, “Zolei, meqora! Ṉoko sarueko poso ta kota ṉa akoiva,” kiolake.

Jemisi 5:15

Koa vararaito, ko ereivako oqu sase, ta ko urikivou vo vere ala maba; vo Lekasa Jisu ta o pakievou ni o urikivou vo, ni ota va akoekou koa sarueko poso vo lula o erekako.

Matiu 9:22

Nio vo Jisu ta oka lilitake koa rekoreko ni o keake ko, nio eri kiolake kokasi, “Zolei, meqora. Ṉoko vai oqu vo Baṉara ta ko urikiṉa ṉo,” kiolake. Ni maba koa taku kale inio kota kota urikake.

Epesasi 2:8

Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

Jone 5:14

Ni silo pala taku ko tova Jisu ta mata o toraevake voa maba Jelepade ko taqo kale o lipilipitani nio eri kiolake, “Keatini, ṉota ṉoda urika erisaṉa, so sole ṉota pui mata ṉo dova saruekou, ako so ta matuma tapata koṉai barou sole,” kiolake.

Luke 5:20

Ni Jisu o paqumuke keru seko oqu, vota eri kiolake voa maba kasi, “Lolo, ṉoko sarueko poso ta kota ṉa akoiva,” kiolake.

Kolosi 3:13

Meta tauvekiniomo, ni odouvikiniomo me ṉavio kude so keru kala me azo o ketuketuevou keru kala edolola. Meta odouvikiniomo me ṉavio kude omadeuvo vo Lekasa Jisu ta lula o melati odouvikinie me jari.

2 Koriniti 2:10

So keru me meda va akoeka keru kala maba ko vo o erekako sarueko, aṉa melai akoekato saṉa a iva vo. Ni so keru aṉa a ereka keru ko akoekato, ikoana kama quli aṉa a akoeko ama ta, aṉata a ereka ko akoekato vo Karisito ko tanama kale tu me melai me erekou so jari.

1 Koriniti 11:30

Sokale avo inio kubo mela meta lekuleku meda eva ni meda verepa, ni kubo madu ta lula keta vouva.

Iruruputo 14:9

Vota o papuake sai ni o didiekake Paula kiolani. Ni Paula ta o veake vo ni ota va paqumukake voa maba ta o tuvevo puekake ta vota ota roveovou uriko kiolake, so sole Paula ta o toiritoirivake vo,

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Jone 2:25

Puliala obe vai bazuemou se maba poso vo Jisu melai vota o uria paqumukake maba ko bulo kale ama kerukeru.

Luke 8:48

Nio Jisu ta eri kiolake kokasi, “Meqora, ṉoko vai oqu vo Baṉara ta ko urikiṉa ṉo, sole ola ni pui ṉo ṉalou,” kiolake.

Maka 5:34

Nio vo Jisu ta eri kiolake koa rekoreko kasi, “Meqora, ṉoko vai oqu vo Baṉara ta ko urikiṉa ṉo. Sole ṉota pui ṉo ṉalou, ako ṉota lula ṉoda urika sole.”

Matiu 9:5

Maba pui tapata tu eri kio, ‘Ṉoko sarueko poso ta kota ṉa akoiva,’ ako meta pui me qea voko sarueko ta kota va akoiva kio ma pui, melai matu tapata ikio tu eri kio, ‘Loje tu tali,’ ako mea kiada mela ta me qelou ta vota ota lojoa kio ma pui sole.

Maka 2:6

Ni kake vo Mosese ko Bazu ko nianiiekato ko maba madu ta sai ni eri kikelake seko kerukeru kale,