Maka 13:9 - BAṈARA KO VAIRU AMA LEVELEVEO

⁹ “Ni meta me ṉavi nio me balauvou. Ako seta ke noqoemelou, ni ke melati ziovou titizikinio kale ni seta ke pazomelou ilusato ko pade kale ni ke lojoemelou me se Lekasa poso ni Qavuna madu ko tanama kale, ni so inio meta meqai bazutou ko Uri ama Bazu sekasi.

Maka 13:9 交叉引用

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Maka 13:5

Nio Jisu ta eri kiolake sekasi, “Meta vailomo ni pui zarievo kala tu o saruemelou me.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.

2 Tesalonaika 1:5

Kiadama komi quli tamela kelo kale ta kasa ko ika vo Baṉara ko titizato ta sidopu ama, ni koko reketekete ta meta koko malea mela amaqeo voko aukale ama lekasa puo kale, ako erisaṉa meta tapata meqai toraeka sole meko elo voko lekasa puo kale.

Pilipai 1:29

Ako vo Baṉara inio o bokerimelani me tu me duvevo puevo vo Karisito melai mata vo inio o zarie-melani me tu olaquavo me elo meko va nabuluputo vo Karisito kale avo.

Iruruputo 21:11

Ni vota o ṉelai kuevake eṉe, ni ota va koake Paula ko beleti, ni vota o bibulikake o ṉaviko kiti ni ṉase topi, ni eri kiolake, “Eri nio vo Tabu ala Auvana kiolani: komia beleti sala ta soa pirievo inio ke elou se Jiu amu Jerusalema peuru kale, ni seta ke vaevou se pui Jiu amu ko pizato kale,” kiolake.

Iruruputo 9:16

Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

Iruruputo 7:54

Ni so keru se Kauniseli kale amu keta va viqa keru vo Sitiveni ko pesio inio seta keta matu iqaike ni keta nanaburitake vai korakorailole vo.

Jone 15:20

Kerukeruekomo ko lula aṉa a melai bazuekako tuvevo ama quli, ko eri kikolako, ‘Puliala nabulu inio raura kala vovo lekasa kasi azo,’ kikolako. Se lula ke niumaniumaelani aṉa ta me melai ke niumaniumaemelou, se lula ke zorikani aṉako nianiiekato ta seta ke zorikou mata meko.

Luke 9:5

Ni sai maba poso pui ke baroekimeloa koi me, meta me vaekou koa peuru ni me bapazikou koko pari meko kiti kale ama, tu meta meqai mamola pueko seta pui Baṉara ko madu inio,” kiolake.

Maka 6:11

Melai so keru meme barolou keru kama pado peuru kale ni maba poso ta pui ke baroekimelou ni pui ke didiemelou me, ta meta me vaekou koa peuru, ni me bapazikou meko kiti kale ama pari tu ko mamola pueko seta pui Baṉara ko madu inio,” kiolake.

Matiu 5:22

Melai aṉata a bazuemela me, kala ta ovai korakorailou vovo lolo ta vo Baṉara inio o titizivou vo, ni kala ta o ruqe kasevou vovo lolo ta vota o titiziovou vo Baṉara ko matu raura kama titizato kale. Melai kala ta ovai korakorailou vovo lolo, ni vota ovai kuirikou ta vota kutumana kala, ta vo o korakoraivani ta o male tu ko qoloevou ko heli ko uza.

Maka 13:8

Ni matumatuma peuru poso ta ko kati pazokiniou kama edoloma matumatuma peuru poso, ni toutou poso ta kokai kasakeovou kama edoloma toutou poso, ni nunu ta ko elou komia kiadakoi. Melai koa kiadama quli ta ko rekoreko kai tanito meqora kai alilo ko tola jari pala inio.

2 Jone 1:8

So sole meta balauvomo! So inio meta pui meqai suatou koa reketekete ko eṉe lula ṉe melai bazuekema me eṉeko iruruputo kale, melai meta me qovou koa kiadama.