Biblia Todo Logo
在线圣经

- 广告 -




Maka 13:26 - BAṈARA KO VAIRU AMA LEVELEVEO

26 Nio komi quli ko tova inio aṉa maba a eveni lala ta a buratou, ni a qilou aukale ama leikale ni se maba poso ta ke lelou aṉa aṉako matuma pizato ni ṉaṉaidara sate.

参见章节 复制




Maka 13:26
15 交叉引用  

Keatini, vota ota kilou lei poso kale! Sea kiadamu peuru ma peuru kale amu ta ke velou vo, seke vouvaeveni melai ke velou vo. Ni kiadama maba poso miduku kale amu ta duki keva elou vo. Kota tuvevo ko elou! Emeni.


Ni vo Jisu ta o vati tiorikake ni eri kiolake, “Tuvevo aṉa inio. Ni meta me lelou aṉa maba a eveni lala ta a bapuvou vo Piza kala Baṉara ko palo rana tu a lekasa puo ni a qilou aukale ama leikale!” kiolake.


Ni ko quli ko tova inio aṉa maba a eveni lala ko mamola ta ko podakou aukale, nio kiadama maba madu miduku kale amu ta duki keta elou ni keta zialou, ni aṉa maba a eveni lala ta a qilou aukale ama leikale ni seta ke lelou aṉa a bizato ni aqasiele ama ṉaṉaidara sate.


Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.


Ni Jisu ta mata eri kiolake sekasi, “So keru aṉa maba a eveni lala a vaitou keru, aṉata a qilou a bizato ni ṉaṉaidara sate ni kiadama aṉako mateana madu sate, ni aṉata a bapuvou vo Baṉara ko lekasa puo ko papupapu topi.


Ako voa maba vo ota la qurato ala aṉa ni aṉako nianiiekato se oqu pide amu ni boutare sama maba poso kasi komia taku kale amu, ta aṉa maba a eveni lala melai ada va zoliovou voa maba so keru aṉa a vaitou keru aṉavo Mama ko ṉaṉaidara kale ni voko mateana madu sase.”


Ako vo Lekasa Jisu ta matuma velavelao kale o bazuemou se voumu tu ke saevo, ni mateana lekasa ta o kati padoekou voko kora, ni vo Baṉara ko kuvili ta ko kelaovou, ni o ṉavi Lekasa Jisu ta o saqorou aukale azo. Nio se lula ke vovini se kevai keruini vo Karisito ta ke saevou voukale azo ni ke koilou kuleto,


ni eri kiqolake, “Mea Qalili amu mela, noi sole inio meta meda lojoa koi ni me doiritoirizata aukale vasi? Nea Jisu vo obe koivani aukale ta omadeuvo mebe tava kea voko zio aukale so pado jaria vaito inio o elo avo,” kiqolake.


Nio Jisu ta o vati tiorikake vo Saimone ni eri kiolake, “Matu uri ṉo kiṉolani, Saimone, Jone vo meqora ṉa. Komia tuveano ta pui maba kasi azo ko kuevako, melai kota aṉavo Mama aukale ala o katiṉako ṉo,” kiolake vo Jisu.


Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.


Ni vota obeta olake bazubazuto ni eri kiolake, “Kake mela me koi mebeta evani mela ta puliako vou inio meta me lelou aṉa maba a eveni lala ta a lekasa puilou komia peuru ma peuru kale,” kiolake vo Jisu.


Ni koa taku kale inio aṉa maba a eveni lala ta a buratou, ni aṉata a qilou lei ko valuvalu ni se maba poso ta ke lelou aṉa aṉako matuma pizato ni ṉaṉaidara sase.


Eṉeta lula ṉe melai bazueka me vo animevo Lekasa Jisu Karisito ko kilo pizato kale. Ni komia bazu ta pui kala ko bazubazulao bazu, melai eṉeta ṉe qeve Jisu ko ṉaṉaidara ṉe ṉaviko vilu kale.


跟着我们:

广告


广告