Maka 10:39 - BAṈARA KO VAIRU AMA LEVELEVEO

³⁹ “Zio, eqeta inaina kaqela tu qe tolailo ni bapitaiso qe elou ṉo sase,” kiqolake.

Maka 10:39 交叉引用

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.

Iruruputo 12:2

Ni vota o voake vo Jemisi, Jone vo kaka, ni seta ke lezuevake vo.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Jone 17:14

Aṉata a qatime ṉoko bazu, Sokale avo inio se maba poso ta kemai kideipa se, ako seta pui komia ruqe ama peuru ma peuru ko madu sole, omadeuvo aṉa melai pui komia ruqe ama peuru ma peuru ko lala jari.

Jone 15:20

Kerukeruekomo ko lula aṉa a melai bazuekako tuvevo ama quli, ko eri kikolako, ‘Puliala nabulu inio raura kala vovo lekasa kasi azo,’ kikolako. Se lula ke niumaniumaelani aṉa ta me melai ke niumaniumaemelou, se lula ke zorikani aṉako nianiiekato ta seta ke zorikou mata meko.

Jone 13:37

Nio Pita ta eri kiolake, “Lekasa, noi sole inio aṉata pui aba lulueṉou ṉo erisaṉa? Ako aṉata a inainaovani lala inio tu aṉata aṉa vou ṉo sole,” kiolake.

Maka 14:36

nio vota eri kiolake, “A Mama ṉa, kiadama quli ti pui tapata ikio ṉokasi. Sole tala vatutika komia upotuqu ko kapa aṉa kasi azo. Melai pui ṉo erekou aṉako zario kikolani, melai vaeka tu ko ereilo ṉoko vatolo kikolani jari.”

Maka 14:31

Nio Pita ta eri kiolake matuvole, “Kebe vouvaelo kikevou ṉo sate melai aṉata pui aba ṉai zoliovou!” kiolake. Ni sea kiadama disaipeli madu ti omadeuvo kikelake.

Matiu 10:25

So sole vo o sikuluputani ta ota zoleilou, ruqe ke ivou ma uri kebe ivou melai, omadeuvo vovo nianiiekato ko maba ke ivani jari, ni vo nabulu ta ota zoleilou, ruqe ke ivou melai, omadeuvo vovo lekasa ke ivani jari. Sea maba poso se kelai kaikuapani aṉa inio kelai nokaeka aṉa Setani aṉa mevo odikato ko maba lala, sole me aṉako maba poso mela ta ke melai kuirikou matu ruqe ama ṉi meko kana madu.

Matiu 3:6

Ni sea maba poso ta kekai eraeraoke seko sarueko poso Baṉara kasi, nio vo Jone ta bapitaiso o imake se Jodani sukuru kale.