Maka 1:35 - BAṈARA KO VAIRU AMA LEVELEVEO

³⁵ Omadeu vikale, puliako ṉaniu peato inio Jisu ta ota toiratake nio o vaekake Saimone ni Aduru ko pade. Ni ota olake koa peuru kale azo ivulu ama zaekale vararaitole.

Maka 1:35 交叉引用

Luke 6:12

Ni kama poso ṉaniu ko tova inio Jisu ta o peatake kala sopu kale vararaitole, ni koa pado ama ipu vota o vararaitake Baṉara kasi.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

Luke 5:16

Melai vota ota olake mati maba pide ama zaekale, ni sai nio o vararaitake.

Hiburu 5:7

So keru Jisu obeta saeve keru miduku kale vota o ereke voko paseto sama vararaito matuma kora kale ni deumu sase Baṉara kasi, tu vota o pakievo vo voukale azo. Baṉara ta ota va viqake voko vararaito ako vota o zarazaraivani ni ota va panaovani vo Baṉara sole.

Jone 6:15

Melai Jisu ta omai mamurake ta seta keka zaria tu ke noqoevo, se vai zuruzurueko kale tu aikovakova ke ivo, so sole vota o vaemake se ni mata ota peatake sopu poso kale vasi o kiada pado.

Matiu 14:23

Nio sea maba poso ta keta vaitake muli, koko tova inio vota ota kailake o kiada pado sopu kale vararaitole ti raisiraisi kope vai baroake sai.

Pilipai 2:5

Ni meko saevo kale meta kerukerutomo ni kamo vo Jisu Karisito o kaevo jari.

Jone 4:34

Nio Jisu ta eri kiolake sekasi, “Aṉako sailao ta zoriko vo aṉa o soroeleni ko vatolo, tu aṉata a okotiko ereko koa koidi vo o katilema aṉa.

Matiu 14:13

So keru vo Jisu o viqa keru vo Jone ko vou ko bazu vota o vaekake koa zae vaka kale ni ota olake ojolou kama zaekale o kiada pado.

Maka 1:36

Nio Saimone ni voko lolo poso ta ke vailivake vo,