Kolosi 4:8 - BAṈARA KO VAIRU AMA LEVELEVEO

⁸ Sokale avo inio aṉata a joroeva vo mekasi, tu vota o melai bazuekou eṉeko elo, tu koa bazu ta ko zuvarikou meko bulo poso.

Kolosi 4:8 交叉引用

Epesasi 6:22

Sokale avo inio aṉata a joroeva vo, tu meta me ṉelai nianiiovou eṉe ṉe qavani, tu vota o zaubarimelou me.

Kolosi 2:2

Sokale avo inio aṉata so a qava tu meko bulo poso ta ko zuvariovou, ni meta omadeu me elou roquano kale, tu meta me uria paqumukou ko meme duvevo puekako quli. So inio meta mevai nianiiovou vo Baṉara ko mutamuta kale ama kerukeru kale o eveni, vo erisaṉa Baṉara kasa o ivani, vo inio vo Jisu Karisito.

2 Tesalonaika 2:17

Eṉeta ṉe melati vararaita tu vota o zuvarimelou me ni o pizatimelou me, tu mebe erekou ni mebe kasekou ko uri ama quli kiada keru.

1 Tesalonaika 5:14

Eṉeko visi ni kaka poso mela, eṉeta ṉe basemela me tu meta balauvimomo se utu elo ke evani, ni zuvarimomo seke ṉavani, ni tauvemomo se lekuleku amu seko oqu kale, ni inobe emo kiadama maba poso kasi.

1 Tesalonaika 5:11

So sole meta zuvarikiniomo ni tauvekiniomo, so mebeta kavani komia taku kale.

1 Tesalonaika 4:18

So sole meta patukikiniomo me ṉavio kude komia bazu kale.

1 Tesalonaika 3:5

Sokale avo inio aṉata a joroeve vo Timoti. Aṉata maba pui a rovea ibu aṉako pui kai nianiio kale meko ziozio, so inio aṉata a joroeve vo tu vota okai nianiio meko oqu ko kavani. Ako aṉako matuma ṉalo ta esa tuvevo avole lula inio o zolizoliemela me vo Setani tu meta me vaeko meko oqu ni kiadama eṉeko iruruputo ta kota utu ṉamuiva kiala inio!

1 Tesalonaika 3:2

Nio eqeta qe soroevake vo Timoti, eqevo visi vo eqe sase ova iruruputani vo Baṉara voko kai bazubazuto kale vo Jisu Karisito ko Uri ama Bazu. Eqeta qe soroeve vo tu o pizatimelo me ni o tauvemelo me meko oqu kale,

1 Tesalonaika 2:11

Meta meqai nianiia ta eṉeta ṉe roquemele mea kiada mela omadeuvo kala mama ta o roquema jari voko meqora poso.

Pilipai 2:28

So inio aṉata ava matu zaria tu a vaitoevo me ṉavi kasi tu meta me velou ni me zoleilou ni aṉako duki ta saratata ko elou.

2 Koriniti 12:18

Aṉata a baseveni lala vo Taitasi tu o zio ni mata aṉata a joroeve animevo lotu baerebaere tu o luluevo vo. Nio noi nio kimevou ko me, vo Taitasi inio lula o ubeubemela me, kio? Meta me qelai nianiia ta aṉa ni vota ijavoa iruruputo qe eva koa omadeuma uri ama vatolo ni keve kale inio.

2 Koriniti 2:7

So sole erisaṉa ta koko male ikio ko me tu tava akoeko voko sarueko ni zuvarivo vo, tu pakievo vo koa voko matu duki elo kale azo.

2 Koriniti 1:4

Ako vota o patukiṉela eṉe kiadama eṉeko tapata kale, tu eṉeta mata ṉemai patukiko se edolomu se kubo azaazama tapata samu, ni kai patukato koa patukato ko eṉe lula ṉe qoako vo Baṉara kasi azo jari ama.

1 Koriniti 4:17

Sokale avo inio aṉata a joroeva vo Timoti mekasi, vo aṉa a roquevani ni kerula kala meqora jari ala animeko omadeu vati elo vo Lekasa Jisu kale. Vo inio o mela kerukerueko ala koa kalo aṉa a luluekako ko vairu ama saevo kale omadeu vati elo kale vo Jisu Karisito, ni ko aṉa aqai nianiiekatako quli kiadama lotu qoqono poso kasi kiadama zae poso kale.