Kolosi 1:22 - BAṈARA KO VAIRU AMA LEVELEVEO

²² melai erisaṉa vovo Meqora ko tupu kale ama voukale Baṉara ta lula o daipaemela o ṉavi tona. Vota soa daipaemelo o eva, tu vota tabu o imelo me ni bulebule ni sarueko pide o imelo tu o amaqimelo voko tanama kale.

Kolosi 1:22 交叉引用

Epesasi 5:27

Ako vo Karisito ta o vovi tu vota o kovo koa lotu qoqono omadeuvo vo maba o koani voko roroto kale koa sinaqu rusu ko bulebule ama ni ileile ama jari. Ni vota o vovi tu ko lotu qoqono ta bulebule ama ni kuiripato pide ama ni puliama ruqe sama ni puliama boutare sama ni puliama mata kama sarueko sama ko elou.

Jiudi 1:24

Erisaṉa vokasi o roveani melati vailo kiadama pialo kale azo, tu o lojoemelo me remeremedu pidea mela voko ṉaṉaidara ko tanama kale zolezolea mela;

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

Epesasi 1:4

Vo Karisito kale inio vota o pitoemele anime puliako komia peuru ma peuru ereilo. Ni vo Baṉara ta o pitoemele anime tu voko tabu ama maba poso mela me elo ni puliama kuiripato saṉa me elo voko tanama kale.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Romu 7:4

Sokale avo me, aṉako tamania kalea mela, Mosese ko Bazu kati vailo kale azo meta lula meda zomana vou vo Karisito sate, ni erisaṉa meta voko mela inio vo o saeveni voukale azo, tu animeta me uria va nabuluputou vo Baṉara.

Hiburu 10:20

Jisu ta lula o mela veuke kama pado vaini ama keve saevo ko voko tupu siqasiqa iko kale. Sokale avo inio pulia quli ta kopa tizaemelou tu amaqeo vo Baṉara ko kuleto omadeuvo ko suma otu ko tizaeme jari sea maba poso, ko omuqa teze ko evema.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

2 Koriniti 11:2

Aṉako melai konoilo me ta omadeuvo vo Baṉara o melai konoiva me jari; meta omadeuvo kama pado bulebule ama sinaqu rusu jaria mela ko aṉa lula a qati korotivani omadeu pado maba tu ko raevo, vo o ṉavi Karisito.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

1 Tesalonaika 4:7

Ako vo Baṉara ta pui opa nokaemele tu animeta me elo kuna kama quli kale melai animeta tabu me elo.

Luke 1:75

tu tabu me elo ni sidopu me elo voko tanama kale, kiadama ṉaniu animeko saevo kale.

2 Koriniti 4:14

Ako eṉeta ṉeqai nianiia ko vo Baṉara vo o saeviveni voukale azo vo Lekasa Jisu, vo inio mata o saeviṉelou eṉe voukale azo tu Jisu sase ṉe elou, ni o odieṉelou eṉe ni so jari omadeu odiemelo o elou animea kiada mela voko tanama kale.

2 Koriniti 5:18

Koa kiadama ta vo Baṉara ko iruruputo, vo o ṉelati odouveni eṉe voko kana madu ṉela ni voko baerebaere poso o iṉeleni eṉe, ni o katiṉeleni ko koidi tu mata kake ta voko baerebaere poso ṉe imo.

Kolosi 1:28

So sole eqeta qevai bazubazuta vo Karisito kiadama maba madu kasi, ni eqeta qe balauvima kiadama maba madu ruqe ama keve poso kale azo, mai nianiiekiko kale kiadama raura kama nianiio. Eqeta qe ereka ko, ako eqeko zario ta kiadama maba se omadeu ke evani Jisu Karisito sase ta uria muqaro ke elou, so keru eqe kasa qe imou keru se Baṉara ko vilu kasa.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.