3 Maurumauru ala voa maba vo o tiromiko ala komia riki ni maurumauru amu seke viqo amu koa leveleveo sama bazubazu, ni seke zoriko amu komia riki kale ko rikiziovima quli. Ako kota pui tu kopa keuvou ti komi quli ta ko ereilou sole.
Melai Jisu ta o opatake ni eri kiolake, “Uri, melai sea maba poso ke maba maurumauruivani ta sea poso seke viqani ni ke zorikani vo Baṉara ko bazubazu!” kiolake.
Ni vota mata eri kiolake aṉa kasi, “Ṉota pui tama mutako se maba poso komia buka ko pidokikake bazubazu, ako ko taku koko kasekako quli ko ereilou keru ta sipole sole.
Meta erekomo ko quli, ako meta me baqumuka ta meko toirato ko taku ta lula kota baroa sole. Ako anime meqai pakiovo ama taku ta lula sipole erisaṉa, pui anime me duvevo pute keru jaria vaṉa sole.
Eri kiola vo Jisu, “Viqomo! Aṉata a qilou taukavole! Aṉata a qati kilou ko vaitotola ni reketekete tu amai okotiko se maba poso koko male ama lula seke erekako ruqe ni uri kale avo.
Melai a roquemelani mela lolo poso, meta pui ukaka me ikou komi quli, ko omadeu ṉaniu ta omadeu vuro sabere jari, ni omadeu vuro sabere ta omadeu ṉaniu jari vo Baṉara kasi.
Ni Jisu ta mata eri kiolake sekasi, “Meta me qelou ṉaloṉalo ama kapakapato ko quli ko ke lojoeko ama Jelepade ko Tabu ama Zaekale, ni ko ikio vo poropita Daniela o kasekema.” (Ni meme diromikoa mela komia pesipesi ta uria paqumukomo ko kikolani.)
Ko ipu ta sipole kota paloasou, ni vo ṉaniu ta matu sipole erisaṉa. So sole animeta me epezo ereko ko kutumana ko quli, melai animeta me zolaeko ko sidopu ko bako, zakaremu kale ama pazokinio ko.
Aṉata a qilou taukavole, so sole meta pizaka noqoeko emo ko quli meme ṉeamukako so inio puliala ta opa roveovou tamela rapeko koa reketekete, ko me koqotaeko ko ruqe kale me qovo ama.
