Jone 6:45 - BAṈARA KO VAIRU AMA LEVELEVEO

⁴⁵ Ako se poropita madu ta ke rikieke ko eri, ‘Kiadama maba poso, Baṉara ta o nianiiekimou!’ So sole kiadamu keta va viqani vo Mama ni ke koani ko nianiio vokasi azo ta ke kilou aṉa kasi.

Jone 6:45 交叉引用

Hiburu 10:16

“Komi kio koa leveleveo ko aṉa a ereko ama se tona ko kilo ama taku kale, kiola vo Baṉara: Aṉata a vaekou aṉako bazu poso seko bulo poso kale ni a rikiekou seko kerukeru kale.”

1 Tesalonaika 4:9

Aṉata pui aba kai pesipesitou komia riki kale ko animea lotu tamania kalea mela ko roquekinio. Ako koa roquekinio ko kalo ta lula o melati vakakuka vo Baṉara me ṉavi sole.

Jone 6:65

Ni Jisu ta so kiolake sekasi, “Kokale avo inio aṉata a bazuemele me, puliala maba ta opa roveovou kilo aṉa kasi, aṉavo Mama ko zariekato pide,” kiolake.

Jone 6:37

Sea kiadamu aṉavo Mama o katilo amu aṉa ta ke kilou aṉa kasi. Ni aṉata pui aba butuemou seke kilo amu aṉa kasi,

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Epesasi 1:17

Ni kiada keru aṉata a vararaita Baṉara kasi, animevo Lekasa Jisu Karisito vo ṉaṉaidara kala Mama, tu vota o katimelou vo Tabu ala Auvana, vo o nianiiekimelo ala ni kasa o mela ivo ala vo Baṉara tu meta mevai uria nianiiovou vo.

Jone 10:27

Aṉako sipi poso ta keta la nianiieka aṉako kora, ni aṉata amai nianiia se, ni seta ke luluela aṉa.

Luke 18:31

Ni Jisu ta o edolimake sea toni omuqa disaipeli ni eri kiolake sekasi, “Viqomo! Animeta meda ola inio Jerusalema peuru kale sai kiadama quli poropita madu ke rikiekema quli aṉa maba a eveni lala kasi ko ereilo ama ka kikevema ta tuvevo avole kota ereilou.

Luke 1:70

Matu lulavo vota o kaseke komi quli voko tabu ama poropita madu kale,

Maka 1:2

vo Baṉara ovai bazuekema vo poropita Aisea tu eria rikieko o elo, “Baṉara ta eri kiolake, ‘Aṉata a joroevou aṉavo talitalio ko maba ṉoko kuleto tu oṉa inainaekou ṉoko keve,’

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Iruruputo 7:42

So sole vo Baṉara ta o vaemake se ni vota o zariemake tu seta ke ilusiko ko aukale ama Suti poso, omadeuvo se poropita madu ko riki topi ko rikiziovima jari, ko eri kikovema, ‘Me Izireli amu mela! Pui aṉa inio meta meba la vouvaeke ko biaṉa poso ni meba la siqate ariku toni sabere lealea kama zaekale.

Iruruputo 13:40

So sole meta balauvomo, so inio se poropita madu ke kasekema quli ta pui ko elou me tona, ko eri kikevema:

Pilipai 3:15

Ni animea kiada mela me muqarani mela auvana kale ta me zuatikou koa omadeuma kalo. Melai kake mela ta edolovo me ikou meko kalo, ta vo Baṉara inio zakaremu o mela ikou.

1 Jone 2:27

Ako vo Karisito ta o katimele me voa puaro sole, vo Tabu ala Auvana, ni voa puaro ta inevoana mekasi. Sole meta mata pui meba va zariovou kala edolola nianiiekato ko maba. Ako voa puaro o katimeleni ta obe nianiiekimela me sole. Ni voa puaro ta tuvetuve ala sole, melai pui lipalipa kala. So sole meta vinaimo Karisito kale, ako vovo puaro ta obe melati nianiiekata me tu meta me vinailou Karisito kale.