Jone 6:29 - BAṈARA KO VAIRU AMA LEVELEVEO

²⁹ Nio Jisu ta o mati tiorikake, “Vo Baṉara okai zariako iruruputo tu me ereko ta eri. Meta tuvevo puelomo aṉa vo o soroelani lala,” kiolake.

Jone 6:29 交叉引用

1 Jone 3:23

Ni komi quli kio vo Baṉara o melai bazuekako: animeta tuvevo me ivo vovo Meqora Jisu Karisito ni me roquekinio muli omadeuvo vo Jisu melati kiovevo jari.

Iruruputo 16:31

Ni nioqata qo vati tiorikake vo ni eri kiqolake, “Tuvevo iva vo Lekasa Jisu nio ṉota ṉo bakiovou, ṉo ni ṉoko saidi ni ṉokale amu ṉoko pade kale ke evani,” kiqolake.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

1 Jone 5:1

Ako kiadamu se tuvevo ke ivo amu vo Jisu inio vo Baṉara o soroeveni Pakio kikevo amu, se inio vo Baṉara ko meqora poso. Ni vo o roquevani vo Mama, vo inio mata o roquemani vo Mama ko meqora poso.

Maka 16:16

Ni vo tuvevo o iko ala koa Uri ama Bazu ni bapitaiso o elo ala nio o pakiovou. Melai vo o kapakapato ala ta Baṉara inio o titizivou vo.

Jone 5:39

Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa,

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Jone 6:28

So sole seta ke kuimaevake vo, “Sole loma iruruputo kale inio eṉeta ṉe erekou vo Baṉara o ṉela zariako eṉe tu ṉe ereko?” kikelake.

Jone 6:38

ako aṉata a jaqore aukale azo tu a ereko vo aṉa o soroeleni ko vatolo.

Jone 6:57

Vo saevola ni noqola kala Mama ta o soroele aṉa, ni aṉa melai soa noqola saevoa lala. So sole vo o luovo ala aṉa ta o saevou aṉa kale.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

Jemisi 2:22

Ṉota pui ṉoqai nianiia, kio? Voko oqu ni iruruputo poso ta omadeu ko eve, voko oqu ta okotoma ko eve voko iruruputo poso kale.

Kelokelozato 2:26

Seke koqotaeko amu ko ruqe, ni se pui ke lalamato amu ereko ko quli aṉa aqa zariako ti kobeta barolou koko paitopaito kale inio aṉata a qatimou koa omadeuma pizato ko aṉa lula a qoema a Mama kasi azo jari ama, ko eri ama: aṉata a qatimou ko pizato tu seta kade ama lekasa poso kemai elo se pui ke zoripatani peuru ma peuru kale ama toutou poso aeani daṉa sate tu seta ke mujarikou koa toutou poso miduku raro poso ko mujario jari. Ni mata aṉata a qatimou se vo raneodola.