Jone 6:11 - BAṈARA KO VAIRU AMA LEVELEVEO

¹¹ Sai nio Jisu ta opa koake koa bereti ni o kati petaoke Baṉara kasi, ni vota oma puarikake sea maba poso sai ke papuani. Ni koa omadeuvo jari oma ikake koa omuqa niuniu. Ni sea kiadamu ta kekai atapake.

Jone 6:11 交叉引用

Jone 6:23

Nio kama koaka poso Taibiriasi ama ta ko varerike sai sea matu padopadoilo ke kiekoi ko bereti ko sipole, Lekasa o kati petaovima ta kubo ko evema.

1 Tesalonaika 5:18

ni meta kasekomo meko uriavo vo Baṉara kasi kiada keru me mebeta saeva keru, olu ama saevo ko taku keru melai, tapata kama saevo ko taku keru melai. Ako so inio vo Baṉara ota melai zariani me tu meta me elou meko saevo kale omadeu saevo meqai evako vo Jisu Karisito sase.

Romu 14:6

Vo tabu o ikani ko ṉaniu ta ovai rauraeka vo Baṉara koa ṉaniu, ni vo o kuovo ala ko marabau vo melai ovai rauraeka vo Baṉara koa keve kale kude, ni vota o ilusiva vo Baṉara.

Matiu 15:36

Ni vota opa koake koa sikeura silo ama bereti ni niuniu, ni o kati vararaitake ni uriavo o kasekake Baṉara kasi, ni o palapalamukake ni vota o katimake o disaipeli madu, ni se disaipeli madu ta ke puarikake sea maba poso kasi.

Luke 24:30

Nio vota o papuake nioqa sate, ni o koake ko bereti ni mauru o ikake, ni o palamukake ni o katikake nioqa.

1 Koriniti 10:31

Zio, melai koa kiadama quli meme erekako, ni meme quako ni me nozuekake quli kale, meta vai ṉaṉaidara puekomo vo Baṉara kiada keru.

Iruruputo 27:35

Ni voko so kio ko tova, Paula ta o koake kama bereti, ni vota o kasekake voko uriavo Baṉara kasi sea kiadamu ko tanama kale, ni vota o palamukake ko, ni vota o tanitake kuo.

Jone 6:9

“Nei ta kala lasive rusu, vo sike silo ama bereti ni omuqa niuniu sala. Melai noni ko kalou nio komia sailao ta ko malezimou nia vaki?” kiolake.

Jone 21:9

Ni so keru ke kaila keru keta kale seta ke keake ko maripu niuniu nabulo sama, ni kama bereti.

Jone 21:10

Ni Jisu ta eri kiolake sekasi, “Kati kuemo kama niuniu ko me vairua kovo me evako,” kiolake.

Jone 21:13

Ni Jisu ta o kuevake, ni vota o koake ko bereti ni vota oma puarikake ko so jari mata ko niuniu.