Jone 19:11 - BAṈARA KO VAIRU AMA LEVELEVEO

¹¹ Nio Jisu ta o vati tiorikake vo, “Kota pui ko katizia ṉokasi vo Baṉara kasi azo tea, ṉota puliama pizato saṉa inio ṉoda elo tu ṉota ṉolai ereko kama quli. So sole vo aṉa o vaelani ṉoko ṉase topi ko sarueko ta kokai paloasa ṉoko sarueko,” kiolake.

Jone 19:11 交叉引用

Romu 13:1

Kiadamu ta ke zorimo se qavuna madu, ako puliala ta pizato sala Baṉara pui o zarievo vo tea. Ako vo Baṉara kasi azo inio ke koani ko pizato sole.

Jone 3:27

Nio Jone ta eri kiolake sekasi, “Kota uri. Vo maba ta o rovea kovo ni ereko vo Baṉara o kativake quli pala.

Iruruputo 2:23

So keru vo o katiziovi keru meko pizato kale vo Baṉara ko vatolo ni korokoroti kale, meta mema luavive vo se kutumana kama maba madu ti seta ke mela vouvaevake vo korosi topi.

Iruruputo 3:13

Pui so inio, melai vo Ebarahami, ni Aisake, ni Jekopi vo Baṉara, vo animeko taite poso vo Baṉara, nio o erekani komi quli tu se maba poso ta ṉaṉaidara ke ivou vovo Nabulu Jisu. Melai meta me vaevake vo se Jiu ama tanatanamu ko ṉase topi, ni meta mevai kedui vo Paelati ko tanama kale, so keru vo Paelati ova zariovi tu o rupasivo vo va kiove keru.

Jone 7:30

Nio ke viqe keru voko so kio inio sea tanatanamu ta ke noqoevo kikelake vo, melai puliala ta o roveake kamavo, ako voko taku ta pui nio ko baroake sole.

Jemisi 1:17

Kiadama uri ama ni kiadama sidopu ama katizato ta ko kuevako aukale azo; kota ko saqora Baṉara kasi azo, vo o erekeni aukale ama zakaremu poso, ṉaniu ni kaboso ni Suti poso, ni voko zakaremu ta pui ko besizia omadeuvo kaboso ko zakaremu ko besizia jari.

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Jemisi 4:17

So sole kala maba, vo obe kai nianiiani ereko ko sidopu, melai vo pui o erekani ko, voa maba ta o sarueka.

Romu 11:36

Ako vota lula o ereke kiadama quli, ni kiadama quli ta kobeta eva vokale tu kota voko. Sole animeta me ṉaṉaidara puevou vo Baṉara latau ṉaniu ni ka ṉaniu! Emeni.

Iruruputo 4:28

Seta ke erekake kiadama korokorotato ko ṉo lula ṉo vatoekema ṉoko pizato ni vatolo kale tu kota ko ereilou.

Matiu 27:2

Sole seta keta va piriekake voko ṉase ni ke vati olake ni kepa vaevake vo Romu ala Qavuna Paelati ko pade kasi.

Maka 14:44

Nio vo Jiudasi ta lula o bazueme sea vaki ni eri mati kiove, “Vo aṉa a lumevo ala, vo inio voa maba me mevai zariani. So sole me noqoevou ni me vati vailou me vati ziovou keru,” kiolake.

Jone 18:3

So sole vo Jiudasi ta o odiekake kama pado Romu ama pazokinio ko vaki nio ke olake koa ore bariki kasi, vo ni Jelepade ke kati vailani, se raura kama siama madu ni Parese madu ke soroemeni. Seta ke vakimuake ni ke borikake ko juke poso ni poru topi ama urusana juke ni pazokinio ko vakovako.

Jone 9:41

Ni Jisu ta o tiorizatake, “Meta leqa kamela tea, meta pui kuirikuiria mela inio, melai meta eri kimela, ‘Eṉe inio ṉe qeazatani ṉela,’ kimela, Sokale inio meko sarueko ko kuiripato ta kobeta eva me tona,” kiolake.

Luke 22:53

Aṉa inio abeta evani lala kiadama ṉaniu poso me sase Jelepade kale, ta pui me noqoela sai. Melai komi kio meko taku meqai iruruputako, ni kota ko kutumana ko pizato ko taku,” ma kiolake.

Matiu 26:65

Nio vo Nisa Siama o viqa keru komi quli vota ota matu korakoraivake, ti obe rotiekake inio voko sabosabo, ni eri kiolake, “Nea maba ta o anararaiva inio vota Baṉara jari ala! Sole animeta pui meba vai zariovou kala voko tuvevo o kaseko ala, ako meta lula me viqala me ṉavi voko aṉararailo sama pesio sole.

Jone 18:13

Ni seta ke vati olake kuleto Anasi kasi ni ke lojoevake vo voko tanama kale, vo Kaepasi koa sabere kale Ṉisa Siama o eveni vo ravaza.

Jone 19:10

So sole Paelati ta eri kiolake, “Ṉota ṉoda lupaova lati pesio aṉa, kio? Kerukerueka, aṉa inio a roveani lala rupasiṉo ṉo ni a roveani lala patoeṉo ṉo korosi topi,” kiolake vo Paelati.