Jone 11:47 - BAṈARA KO VAIRU AMA LEVELEVEO

⁴⁷ So sole se Parese madu ni se raura kama siama poso ta ke padoivake se Jiu ama lotu tanatanamu ko Kauniseli madu sase seko padoilo kale nio eri kikelake, “Loma ikio animeta me erekou? Keatini nea maba ta o ereka kiadama aqasiele ama iruruputo sole!

Jone 11:47 交叉引用

Matiu 26:3

Ni so keru inio se raura kama siama madu ni se lotu tanatanamu ta ke toraekiniake, Kaepasi vo Ṉisa Siama ko matu pade ko taqo kale,

Jone 12:19

Nio se Parese madu ta eri kikelake ke ṉavio kude, “Kemoni, animeta puliama rora me rovea kelo, kiadama maba ta ke lulueva vo sole!” kikelake.

Jone 11:57

Ako se raura kama siama madu ni Parese madu ta lula ke bazuema se maba poso tu kala vo okai nianiiovo ala sai vo Jisu o evakoi ta okai bazutou, tu seta ke noqoevo vo.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.

Matiu 5:22

Melai aṉata a bazuemela me, kala ta ovai korakorailou vovo lolo ta vo Baṉara inio o titizivou vo, ni kala ta o ruqe kasevou vovo lolo ta vota o titiziovou vo Baṉara ko matu raura kama titizato kale. Melai kala ta ovai korakorailou vovo lolo, ni vota ovai kuirikou ta vota kutumana kala, ta vo o korakoraivani ta o male tu ko qoloevou ko heli ko uza.

Iruruputo 5:24

Nio so keru se raura kama siama madu ni se Jelepade ke kati vailani ko kuleto ala ke viqa keru ko, seta matu niuniala kekai evake loma quli kio esa koko ereima se apositolo madu kasi ni esa mata loma quli kio ko puratikou mata.

Iruruputo 5:21

Nio se apositolo madu ta ke zoripatake, nio omadeu lekito inio seta ke amaqeake Jelepade ko taqo kale ni ke taniekake nianiiekato. Ni vo Ṉisa Siama ni voko baerebaere poso ta ke padoemake kiadama Jiu ama lotu tanatanamu matuma padoilo Kauniseli ko kale, ni seta ke soroekake ko bazu pirito pade kasi tu ke mati zio se apositolo madu seko kuleto kikelake.

Luke 22:2

Nio se raura kama siama madu ni Mosese ko Bazu kekai nianiiekatani ta keta ma ṉake se maba poso. So sole seta ke vailikake kama keve tu ke vouvaevo vo Jisu moizavole kikelake.

Maka 14:1

Ni omuqa ṉaniu ta ikoana ti Alokato ni Isiti pide ama Bereti ko Ṉojola ikio. Ni se raura kama siama madu ni se Mosese ko Bazu kekai nianiiekatani ta ke erekake ko korokorotato tu ke noqoevo vo Jisu moizavole ni ke vouvaevo kikelake.

Jone 6:2

Ni matuma vaki ta ko luluevake vo, ako seta lula ke keve voko aqasiele ama iruruputo se vere amu ko urikimo sole.

Jone 7:32

Ni se Parese madu ta keta ma viqake sea matu padopadoilo vai vazavazao vo Jisu, ta vota vo Baṉara o soroeveni Pakio nio kio, so sole sea Parese madu ni se raura kama siama madu ta ke soroemake se Jelepade ko vailo ko maba madu tu kepa noqoevo vo Jisu kikelake.

Jone 7:45

Ni sea Jelepade vailani pazokinio ko maba poso ta ke vaitake puliala Jisu sate se raura kama siama madu ni Parese madu kasi, ni sea tanatanamu ta ke kuimaemake se, “Noi sole inio meta pui me vati kueva vo?” ma kikelake.