Jone 10:4 - BAṈARA KO VAIRU AMA LEVELEVEO

⁴ Voko se saqorimo ko tova, vota oma kuleta ni se sipi poso ta ke lulueva vo, ako seta ke nianiieka voko kora sole.

Jone 10:4 交叉引用

Jone 10:16

Ni inisiana mata kake aṉako sipi poso se pui nio sipi ko qara kale ke evani. Se melai keta la viqou aṉako kora, ni aṉata a amaqimou se, tu sea kiadamu ta omadeu rovaṉa ke elou omadeu vailo ko maba ko vailo kale.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Jone 18:37

So sole Paelati ta o vati tiorikake vo, ni eri kiolake, “So sole ṉo inio kake vo aikovakova ṉa, kio?” kiolake. Nio Jisu ta o vati tiorikake vo ni eri kiolake, “So tisoiko so ṉo kiṉolani, aṉa inio kala aikovakova lala. Kokale avo inio aṉata a alile ni a quevi miduku kale, tu a qaseko ko tuveano, tu se tuveano ko maba madu ta ke didielou aṉa,” kiolake.

1 Pita 2:21

Ni ko ikio vo Baṉara o melati nokaekema tu me erekou, ako vo Karisito ta o mela tolai me sole Ni vota o katimele kama podepodeti tu meta me luluekou vo o kaevo.

1 Pita 5:3

Ni meta pui mema rauraraurailou sea lotu maba madu kasi se me mati vailani, omadeuvo ruqe ama lekasa poso jari, melai meta uri ama kalo erekomo sekasi, tu seta ke luluekou meko uri ama kalo.

1 Koriniti 11:1

Meta luluekomo aṉako kalo omadeuvo aṉa a lulueva jari vo Karisito.

Jone 10:8

Kiadama edoedoloma maba poso se lula ke purateni aṉa puliako kilo ta kuilokuilo amu ni niumaniuma kamu, ni se sipi poso ta pui kepa nianiieme ni pui kepa zorime se.

Matiu 16:24

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 6:20

Jisu o kiada inio lula o amaqeovini sai anime kaqe, ni noqola kala ṉisa siama o eveni, Melekizedeki jari.

Epesasi 5:1

Ako meta vo Baṉara ko meqora poso mela vo o roquemelani mela, so sole meta madoekomo tu Baṉara jari emo.

Jone 3:29

Ako eri nio sole: vo lasive rusu vo o raekani ko sinaqu rusu inio koa reko vo tanala, ni voa vairua roroto ala maba vo baerebaere ta o lojoake ni o didievake vo tu ota va viqo voko kilo, ni vota ota zoleike so keru vo o viqa keru voa vairua roroto ala maba ko kora. So jari nio aṉa kasi ni ko ikio aṉa ko zolelako.

Jone 13:15

So inio aṉata a qatimelala me kama pado mamola tu meta me erekou muli omadeuvo aṉa a mela erekalama jari me.

1 Pita 4:1

Vo Karisito ta o tolai voko tupu kale, so sole me melai pizatomo koa omadeuma kerukeru vo Karisito ko jari ama kale, ako vo lula o tolaivani tupu kale ta pui opa erekou ko sarueko sole.

Jone 10:3

Vo veutu o kati vailani ta o nianiieva vo ni ova veuka vo ko tibulu, ni o ṉaviko sipi poso ta keta va viqa voko kora ota ma nokaeka keru seko ṉi poso tu o saqorimo qara kale azo.

Jone 10:5

Seta pui kepa luluevou kala edolola maba, melai seta keta va soqoilou vo, ako seta pui ke nianiieka voko kora sole.”

Jone 10:27

Aṉako sipi poso ta keta la nianiieka aṉako kora, ni aṉata amai nianiia se, ni seta ke luluela aṉa.