Jiudi 1:6 - BAṈARA KO VAIRU AMA LEVELEVEO

⁶ Ni kerukeruekomo kake mateana madu ta pui kepa kai zolei seko koidi ni pizato vo Baṉara o katimema, ni seta ke vaekake seko ṉisa peuru, nio sea mateana madu ta ke piriziake noqola kama piri kale kutumana kale ti kobeta barou koa matuma ṉaniu kale seke titiziovou keru.

Jiudi 1:6 交叉引用

2 Pita 2:4

Ako Baṉara ta pui opa utu zarieme se mateana madu boutare ke erekeni, melai vota o soroeme se heli kale ni sai nio seta piripiri amu kutumana kale ke tarekani titizato ko ṉaniu.

Epesasi 6:12

Ako anime me qati pazokiniako ta pui tupu kale ama sole, melai anime me qati pazokiniako ta vo Setani ko ruqe ama lekasa puo kale ama ziolo aukale ko evako, komia kutumana kama peuru ma peuru kale ko lekasa puako ruqe ama pizato poso.

Matiu 25:41

“Melai aṉata eri kiavou aṉako made ranamu kasi, ‘Meta levelevezia mela Baṉara kasi, tu olamo koa noqola kama uza kale vo Baṉara ova inainaekema vo Setani ni voko mateana madu!

Matiu 8:29

Nio koa ziolo poso ta kota karakararautake ni eri kikolake, “Baṉara vo Meqora ṉa! Noni ṉo iṉelou kiṉola inio? Ṉota ṉo queva tu koqotaeṉelole eṉe puliako koqotato ko ṉaniu barolo, kio?” kikelake.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

Hiburu 10:27

Melai meda ka ṉalo ama ta mai kopa ereilo ama quli: ko ikio ko titizato ni ṉaloṉalo ama uza koko niumaemo ama vo Baṉara ko kana madu.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

Kelokelozato 20:10

Nio vo Setani, vo o lipalipaemani se, ta ke risaevou nai sama uza ko urusana ko tiania, sai vo biaṉa ni vo lipalipa kala poropita lula ke risaekakoi. Sai nio sea zouke ke kovoa koi ko noqola kama tola ipu ni ṉaniu, latau ṉaniu ni ka ṉaniu.

Matiu 10:15

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo ni Qomora peuru kale amu ke kovo ama koqotato.

Romu 2:5

Melai ṉota lado buloa laṉa so sole ṉota ṉo badoeka ṉo ṉavi vo Baṉara ko korakorailo so keru koa matuma ṉaniu voko sidopu ama titizato ko elou keru.

Jiudi 1:13

Seta omadeuvo ko ivere kale ama tovoko poso jari, ni seko qurato sama kalo ta ko purata koko supalala jari. Seta omadeuvo koa suti poso ko pui ko luluekako ko ṉaviko keve jari, se inio vo Baṉara lula oma inainaekani kama pado matu kutumana kama zae tu seta noqola elo ke elou sai.

Kelokelozato 20:2

Vota o saputivake vo matu dole, vo kuleto o eveni dole, voa ziolo vo Setani va kikelani, ni voa mateana ta o pirievake voa dole koa seini kale omadeu vuro sabere ko tiniavo ama taku kale.