Jiudi 1:12 - BAṈARA KO VAIRU AMA LEVELEVEO

¹² Sea maba poso ta kaqa keta mela ika meko bairumuo vuato ako kokale seta qurato pide ke utu zoleiva ke ṉavi sole ni seta ke kerukeruiva ke ṉavi pala. So inio seta nioro pide ama lei, koko alazikako ko ururu jari amu. Ni seta epa pide ama ore jari amu, so keru koko epako ko taku keru melai epa pide ama, seta ko rabuivako ni ko vouvako ore jari amu.

Jiudi 1:12 交叉引用

Matiu 15:13

Nio vo Jisu ta eri kiolake, “Kiadama papapapa poso aṉavo aukale ala Mama pui opa papakema ta ko rabuilou muli.

Pilipai 3:19

Ako koa kalo se kekai saevako ta ko odiema sole se heli kale ama noqola tolailo kale, seta pui keva nabuluputa sole vo Baṉara melai seta ke ereka sole seko tupu kokai zariako quli. Ni kekai raurarauraiva sole koa qurato sama quli, ni kiada keru viluloqu kekai eva komia miduku kale ama quli.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

Luke 21:34

Ni Jisu ta mata eri kiolake, “Meta vailomo! Pui kai mumuasa puilo ko ṉojola ni nozueko ko piza kama ju ni tiṉoliṉoli kai elo komia taku ama saevo ko quli, ako pui uri tu koa matuma ṉaniu ta taukavole ko melai baro

Luke 8:6

Ni kama ta ko piake buturuakoi, ni so keru koko qotupa keru, kota kota kajaoke ako ko miduku ta matu tabatabari sole.

Jemisi 5:5

Meko saevo kale komia miduku kale ama ta uri ama elo ni kubo utube zoleilo. Meta omadeuvo sipi jari lula meda posuposu-kaita meko vouvailo ko ṉaniu kaqe.

1 Timoti 5:6

Melai koa naboko koko pauvezatako ta kota lula kota vouva jari so keru ko kobeta saeva keru.

Luke 16:19

Ni Jisu ta obeta olake pesio ni eri kiolake, “Kala batiro ala maba ta obeta evake vo okai saboivani ko matu ileile ama sabosabo matu tatabara kama ni kiadama ṉaniu o matu uria vuatani.

Luke 12:45

“Melai voa nabulu ta eri kiovou o ṉaviko bulo kale, ‘Aṉavo lekasa ta pui taukavole opa vaito ala inio,’ kiovou, ti vota o taniekou ruterutemo vokale amu se nabulu poso, lasive amu ni reko amu, ni o vuatavuataitou ni o saposapoitou ni o doililiputou,

Maka 4:6

Melai vo ṉaniu ta o peata ni vota o vualavualaekake koa qotuqotu ni kota kota kajaova ako koko raki ta pui vaṉa ko ola sole.

Matiu 13:6

Melai vo ṉaniu ta o peata, ni vota o vualavualaekake koa qotuqotu ni kota kota kajaoke ako koko raki ta pui vaṉa ko ola sole.

Hiburu 13:9

So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.