Iruruputo 8:39 - BAṈARA KO VAIRU AMA LEVELEVEO

³⁹ Ni so keru nioqa qo kaila keru jukale azo inio vo Lekasa vo Auvana ta o borivake vo Pilipi. Ni voa raura kala maba ta pui mata o veake vo, ni vota mata o tanitake talio matuma zoleilo sate.

Iruruputo 8:39 交叉引用

Maka 1:10

Ni Jisu ta obe kailake ju ko tana topi, nio vota o keake au ko veukazio ni vo Baṉara vo Auvana ta ovai saqorake vo, ni voa Auvana ko velo ta ova kurou jari ala.

Pilipai 3:3

Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.

Jemisi 4:16

Melai erisaṉa meta meqai zoleiva meko nakanakati kai rauraraurailo ni aikailo. Koa rauraraurailo poso ta ruqe ama.

Pilipai 4:4

Ni meta zoleimo kiada keru, ako meta omadeu saevo me vati evani mela vo Lekasa Jisu sole. Ni aṉata mata eri kiala mekasi, meta matu zoleimo.

Romu 5:2

Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

Iruruputo 13:52

Ni se Anitioko ama maba poso seke tuvevo putani ta keta matu zoleivake ni omai sukatake vo Tabu ala Auvana.

Iruruputo 8:8

So sole matuma zoleilo ta kota evake koa peuru kale.

Matiu 13:44

“Vo Baṉara ko lekasa puo ta eri jari. Kala maba ta o kati inota kama mutamuta kama batiro miduku kale, ni vota mata o tova boutaeka melai vota ota matu zoleiva so sole vota ota olake tu kai tatabaraole kiadama voko lomaloma, ni o vaitake ni opa tatabaraekake koa miduku.

Matiu 3:16

Nio soa bapitaiso o evake vo Jisu ti obeta kailake inio ju ko tana topi. Koa taku kale inio ko au ta kota veukaziake vokasi, nio vota o veake vo Baṉara vo Auvana vai saqoro vo, ni voa Auvana ko velo ta ova kurou jari ala.

Iruruputo 16:34

Ni vota o kati olake Paula ni Sailasi voko pade kale ni o niaekake ko sailao ni qo vuatake. Ni vo ni vokale amu ta keta matu zoleike, ako seta ke tuvevo puevake vo Baṉara sole.

Iruruputo 8:29

Ni vo Tabu ala Auvana ta eri kiolake Pilipi kasi, “Ola ni pa taka kejoate koa totiaqolo ni sipole pa taka eve,” kiolake.

Iruruputo 8:38

Nio voa raura kala maba ta o bazuevake totiaqolo o taliekani maba tu o dokoliko ko, ni vota o dokolikake, nio Pilipi ni voa raura kala maba ta qo saqorake jukale, ni Pilipi ta bapitaiso o ivake vo.