Iruruputo 5:32 - BAṈARA KO VAIRU AMA LEVELEVEO

³² Eṉeta ṉeqai bazubazutani ṉela komi eṉe ṉe qevema quli—eṉe ni vo Tabu ala Auvana, vo Baṉara vo puaro seke zorivani vo kasi,” kikelake.

Iruruputo 5:32 交叉引用

Iruruputo 1:8

Melai so keru vo Tabu ala Auvana o kilou keru mekasi inio ko pizato ta ko melai sukatou me, nio meta melai bazubazutou aṉa sai Jerusalema, ni koa pado ama Jiudia ni Sameria peuru poso kale, ti kobeta barolou peuru ma peuru ko pakale,” kiolake.

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.

Iruruputo 13:31

ni kubo ṉaniu poso kale vota o puratake seke vati taliovini kasi Qalili azo Jerusalema, se kebe vai bazubazutani vo Izireli amu kasi ti kobeta baroa vairutu.

Iruruputo 5:29

Nio Pita ni sea apositolo madu ta ke opatake ni eri kikelake, “Eṉeko koidi ta zorivo vo Baṉara, pui maba.

Iruruputo 15:28

Vo Tabu ala Auvana ni eṉe ta lula omadeu ṉe ika eṉeko zario tu puliama edoloma bouro ta ko elou me tona melai komia qulepo ama bazu poso ko kiada ta me qati vailou, ko eri:

Iruruputo 2:4

Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

Jone 7:39

Jisu so va kioveni ta Tabu ala Auvana inio, vo seke tuvevo puevo amu vo ke vovo ala Tabu ala Auvana. Koa taku keru Jisu soa pesio o eve keru ta pui nio o katiziake vo Tabu ala Auvana maba madu kasi, ako Jisu ta pui nio o koivake voko ṉaṉaidara kama zaekale sole.

2 Koriniti 13:1

Komi ta zouke ama taku aṉako kilo soipimelole me. Omadeuvo ko Tabu ama Riki kikolani jari, “Meta pui tava viqo kala maba vo ovai kuirikani kala ko ruqe ko pui omuqa ma zouke maba sase ko roveako tuvevo puilo,” kikola.

Iruruputo 10:44

Ni so keru Pita obeta pesipesita keru inio vo Tabu ala Auvana ta ota podolo saqoro omai evake sea kiadamu seke didiekeni voko bazubazu.

Iruruputo 2:32

“Vo tisoiko voa Jisu vo Baṉara o saeviveni voukale azo, ni eṉea kiada ṉela ta ṉeqai zomane kelo voko tova saevo.

Romu 8:16

O ṉavi Baṉara ko Auvana ta ko bazueka animeko auvana poso ta animeta voko meqora poso mela inio kio.