Iruruputo 25:23 - BAṈARA KO VAIRU AMA LEVELEVEO

²³ Nio koko raneo kale inio Aqiripa ni Benisi ta qo kuevake ni qo amaqeake matuma rauraeko kale nioqa koa taku koa titizikinio ko matu lose kale raura kama solodia poso sate ni koa peuru kale ama tanatanamu sate. Nio Fesitasi ta o bazuemake se tu seta ke amaqivo vo Paula.

Iruruputo 25:23 交叉引用

Iruruputo 26:30

Nio vo Aikovakova Aqiripa, ni Qavuna Fesitasi ni ko Benisi ni sea kiadamu sai ke evani ta ke lojoake ni keta saqorake titizikinio ko zaekale azo.

Iruruputo 25:13

Ni kama ṉaniu poso ko tova inio Aikovakova Aqiripa ni Benisi ta qo kuevake Sizaria tu qopa zolevo vo Fesitasi nioqako soipivo kale vo kiqolake.

1 Jone 2:16

Ako komi kio komia peuru ma peuru kale ama ruqe poso: ruqe ala maba ko kiadailo sama zario poso, ni viluloqu kai elo ko quli vo pui o ṉeamukako quli, ni kai aikailo vo o ṉeamukako quli. Ni komia kiadama quli ta pui ko kuevako animevo Mama Baṉara kasi azo, melai kota komia peuru ma peuru ko quli.

1 Pita 1:24

Ako ko Tabu ama Riki kikovevo ta eri nio sole, “Kiadama maba madu ta seulele jari, ni kiadama seko pizato ta lea kale ama sisusisu jari. Ni koa seulele ko vouva ti koa sisusisu ta kobeta pia inio,

Jemisi 1:11

Vo ṉaniu ta o purata voko vualavuala kama urusana sase ni ko zulueka ko papapapa; koko sisusisu ta kota ka vuzara, ni koko olaupo ta lula kota ka niumaiva. Omadeuvo so jari nio vo batiro ala maba ta o niumailou voko batiro elo kale, ni riteraite kai elo kale voko iruruputo.

1 Koriniti 7:31

ni me riteraite meqai evani mela komia peuru ma peuru kale ama quli ta pui pado ama meko taku jari meba kai ṉamukou. Ako komia peuru ma peuru anime me qeako erisaṉa ta sipole inio kobeta paitou sole.

Iruruputo 12:21

Nio kala pado pitopito ala ṉaniu kale inio Herodi ta o kiakake voko lekasa puo ko sabosabo, ni o papuake voko papupapu topi, ni o pesiake sea maba poso kasi.

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

Maka 6:21

Nio so keru vo Herodi ko alilo ṉaniu ko baroa keru vota o erekake ko alilo ṉaniu ko ṉojola ni o taipazimake se Qavuna madu ko tanamu ni pazokinio ko maba poso ko kuleto amu ni Qalili ama maba poso ko lekasa poso tu kekai zomano koa voko ṉojola. Ni so keru inio ko Herodiasi ta ko keake uri ama taku tu ko vouvaevo vo Jone.