Iruruputo 25:16 - BAṈARA KO VAIRU AMA LEVELEVEO

¹⁶ Melai aṉata amai bazuekake se ta anime Romua mela ta pui animeko kalo ikio tu vai kuiriko kala ni vouvaevo, melai vota o toraemou seke vai kuirikani saita tu vota o opatikou se kevai kuirikako quli.

Iruruputo 25:16 交叉引用

Jone 7:51

“Animeko Bazu kikolani kale ta pui meba roveovou kuiripato saṉa ivo kala maba puliako tava viqo ni tava kelo ko quli vo o erekako,” kiolake.

Iruruputo 23:30

Nio so keru aṉa a qoe keru koa bazu vo va abamato sama ta sidopu avole aṉata a joroeva vo ṉokasi. Ni aṉata a bazuema mata se kuiripato saṉa ke ivani vo tu ke kaseko ṉoko tanama kale ko quli se pui uria velo kevai evako vo,” kiolake.

Iruruputo 26:1

Nio Aqiripa ta eri va kiolake vo Paula, “Ṉota ṉo roveovou pesio tu ṉo qasekou ṉo ṉavi kale avo.” So sole Paula ta o totozikake voko ṉase tu o pesio nio eri kiolake voko qaraqarailo sama pesio kale:

Luke 12:11

Ni vo Jisu ta mata eri kiolake voko disaipeli madu kasi, “Ni so keru seke melati ziovou keru titizikinio kale seko ilusato pade poso kale, ni se qavuna poso ni se lekasa poso ko tanama kale, meta pui tiṉoliṉoli meqai elou ko noi nio me kimevo avo kio seke melai kuirikani me ko ruqe kasi.

Iruruputo 23:35

nio vo Qavuna ta eri kiolake vokasi, “Aṉata a vailikou ṉo koṉai kuiriziako quli ko tuvevo so keru se keṉai kuirikani ke barolou keru,” kiolake. So sole vota o bazuemake voko solodia madu tu seta ke vati vailo vo Paula o ṉavi Qavuna ko pade kale, Herodi lulavo o erekema matu pade kale.