Iruruputo 24:14 - BAṈARA KO VAIRU AMA LEVELEVEO

¹⁴ Aṉata aqai eraeraova komi quli ṉokasi: aṉata a ilusiva vo eṉeko taite poso vo Baṉara ko se lipalipa kama keve ka kikelako kale. Melai aṉata a duvevo puekani lala kiadama riki poso kale ama quli vo Mosese ko Bazu kale ama ni se poropita madu ke rikiekema buka poso kale ama.

Iruruputo 24:14 交叉引用

Iruruputo 9:2

ni vota o pasekake ko zariekato sama leta poso Damasikasi ama Jiu amu ko ilusato ko pade poso kasi ama, tu vota o vailimou se vo Lekasa ko keve ke luluekani sai Damasikasi, ni vota o noqoemou se, lasive poso ni rekoreko amu melai, tu o mati vaito se Jerusalema.

Romu 3:21

Mosese ko Bazu kale ni se poropita madu ko bazu kale lulavo Baṉara ta kasa o ikake vo sidopu omai iko avo se maba poso. Melai erisaṉa vota kasa o mela ika anime vo sidopu o melai iko avo anime. Animeta pui Mosese ko Bazu kale inio sidopu me eva, melai vo Jisu Karisito vai oqu kale inio.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Iruruputo 3:13

Pui so inio, melai vo Ebarahami, ni Aisake, ni Jekopi vo Baṉara, vo animeko taite poso vo Baṉara, nio o erekani komi quli tu se maba poso ta ṉaṉaidara ke ivou vovo Nabulu Jisu. Melai meta me vaevake vo se Jiu ama tanatanamu ko ṉase topi, ni meta mevai kedui vo Paelati ko tanama kale, so keru vo Paelati ova zariovi tu o rupasivo vo va kiove keru.

Iruruputo 26:22

Melai vo Baṉara ta o tauvelake aṉa ti kobeta baroa komia ṉaniu, so sole aṉata abe lojoa ni avai bazubazuta vo Jisu mea kiada mela kasi, silo ni matu. Ko quli aṉa a qasekako quli ta koa ijama quli se poropita madu ni Mosese ke kasekema ta kota elo ama quli ka kikevema ikio, ko eri;

Iruruputo 24:5

Eṉeta lula ṉevai potoi nea maba ta vota matu ruqe meomeo kala maba, ni o taniekani ko ṉiṉoreo ko ikirato se Jiu amu kasi peuru ma peuru kale ke evani, ni vo inio kala pado se Nazareti ama poqala ko kuleto ota ka evani.

2 Timoti 1:3

Aṉata a ilusiva vo Baṉara, vo aṉa ni aṉako taite poso ṉeva nabuluputani eṉeko uri ama vatolo kale. Aṉata a ilusiva vo kiada keru a qerukerueṉa keru ṉo aṉako vararaito kale ipu ni ṉaniu.

Iruruputo 26:27

Aikovakova Aqiripa, ṉota tuvevo ṉo ikani ṉa inio se poropita madu ke rikiekema quli kio? Aqai nianiia ta ṉota tuvevo ṉo ikani ṉa!” kiolake vo Paula.

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.

1 Pita 1:11

Ako vo Baṉara o soroeveni Pakio ko Auvana ta se poropita madu tona ko evake. Ni voa Auvana inio oma kasekeni se voa Pakio o kovo ama tola ni vou, ni voko ṉaṉaidara o kovo ama koa tolailo ni vou ko tova. Ni se poropita madu ta ke madoekake tu kekai nianiio vo Tabu ala Auvana oma kasekema quli ta noi keru ni lave ko taku kale inio ko ereilou.

Taitasi 3:10

Katima omuqa balauvato sea maba poso seke erekani ko pitasio poso, melai so kebeta kalou ta ṉota pui mata ṉo mati lolopareovou se.

Qelesia 5:20

beku ko ilusiko, basato, kanaekinio, ketuketuekinio, konoilo, korakorailo, muino kapakapato, pitasikinio,

1 Koriniti 11:19

Ako zakaremu ko pitasio ta kota elou me tona tu se sidopu amu ta ke uria keazailou.

Iruruputo 26:6

Ni vairutu aṉata abeta lojoa titizikinio kale aṉako kai keru kale avo vo Baṉara ko leveleveo ko oma kasekema animeko taite poso kasi tu o ereko—

Iruruputo 24:22

Nio so keru vo Filekisi o viqa keru komia pesio vota o dokolikake koa titizato, ako vota okai uria nianiiake koa Jisu ko lotu ko keve sole, ni vota o bazuemake se ni eri kiolake, “So keru vo Laisiasi solodia madu vo kuleto ala o barolou keru inio aṉata a mela pitasikou meko aivekinio,” ma kiolake.

Iruruputo 22:14

Ni vota eri la kiolake, ‘Se animeko taite poso vo Baṉara ta lula o pitoeṉe ṉo tu ṉota ṉoqai nianiiovou voko vatolo, nio ṉo veala vovo Sidopu ala Nabulu, ni ṉoda va viqala voko pesio.

Iruruputo 19:9

Melai kake ta zokele bulo keta evake ni seta pui ke tuvevo putake, ni seta kekai balebaleitake vo Baṉara ko keve koa matuma padopadoilo maba ko tanama kale. So sole Paula ta o odiemake seke tuvevo putani ni o mati olake, ni kiadama ṉaniu poso kale seta ke pesipesitake vo Tairanasi ko nianiiekato ko pade kale.

Iruruputo 13:15

Ni kala ta o tiromikake Mosese ko Bazu ni se poropita madu ko riki kale ama tiromo saita inio koa ilusato ko pade ko vilua pikopiko madu ta kekai soroekake nioqa ko bazu eri kikovema, “Baerebaere kidi, eṉeta ṉe baseqela qe tu qeta qe pesiovou se maba poso kasi, zuvarato ko bazubazu qe borikani qela tea, tu ko zuvarimo se,” kikelake.

Iruruputo 10:43

Kiadama poropita madu ta kevai bazute vo, ni ke kaseke ta sea kiadamu seke tuvevo puevo amu vo ta kota ma akoilou seko sarueko poso vo Jisu kale kude,” kiolake.

Iruruputo 7:32

‘Aṉata ṉoko taite poso vo Baṉara lala, vo Ebarahami, ni Aisake, ni Jekopi vo Baṉara lala,’ kikovema. Nio vo Mosese ta ota dederake, ni ota ṉake tu o toiritoirivo voa sasa ore topi.

Iruruputo 5:30

Animeko taite poso vo Baṉara ta o saevive vo Jisu voukale azo, meko vouvaevo vo ko tova me batoeve keru korosi topi.

Jone 1:45

Nio Pilipi ta o luluevake vo Jisu, ni koko tova inio vota o veake vo Nataniala ni o bazuevake vo, “Eṉeta ṉe veala vo tivoine vo o kaseini vo Mosese ko Bazu kale, ni se poropita madu ko riki kale. Vo inio vo Nazareti ala Jisu, Josepa vo meqora,” kiolake.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Luke 24:27

Nio Jisu ta oka zakaremu puekake nioqa Tabu ama Riki kikovevo vokale avo, Mosese o rikiekema buka poso kasi azo ti kiadama poropita madu ko riki poso kasi.

Luke 16:29

“Nio vo Ebarahami ta eri kiolake, ‘Noko tamania kale amu ta ikoana vo Mosese ni se poropita madu kikevevo tu ko katimo ko balauvato seko riki poso kale. Sole se kikevevo inio ṉoko tamania kale amu ke viqou,’ kiolake.

Luke 16:16

“Mosese o katimelema Bazu ni se poropita madu ko riki poso ta ko pizate ti kobeta baroi Jone Bapitaiso ko taku keru, so keru azo inio aṉata a danite kai bazubazuto ko Uri ama Bazu Baṉara ko lekasa puo ko bazu sama ni maba poso ta ko riaboema amaqimo voko lekasa puo kale.

Luke 1:70

Matu lulavo vota o kaseke komi quli voko tabu ama poropita madu kale,

Matiu 22:40

Koa omuqa bazu ikio ko maba raki vo Mosese ko Bazu kale ni se poropita madu ko nianiiekato kale,” kiolake vo Jisu.

Matiu 10:32

Ni Jisu ta mata eri kiolake, “Aṉata a bazuemela me, vo o bazubazuemo ala se maba madu ko vota aṉavo inio, aṉa melai a bazuevou aṉavo aukale ala Mama ta vota aṉavo inio.

Matiu 7:12

“Meta uri erekomo se edolomu kasi, omadeuvo me meqa zariani jari tu seta ke erekou ko uri mekasi, ako ko ikio vo Mosese ko Bazu ni se poropita madu ko nianiiekato ko omele ama kio ni kalo ko kasekako sole.

Iruruputo 19:23

Ni koa taku kale ta matu tapata kama ṉiṉoreo kota evake Epesasi peuru kale vo Baṉara ko keve kale avo.

Iruruputo 15:5

Melai kake Parese madu se lula ke tuvevo putani ta ke lojoake ni eri kikelake, “Se pui Jiu amu ta maba ke moveilo ni ke bazuilo tu ke zoriko vo Mosese ko Bazu kikolani,” kikelake.

Iruruputo 25:8

Melai Paula ta ota qaraqaraike pesio ni eri kiolake, “Aṉata puliama sarueko a ereka ko aṉa aqai bikoirikako ko Mosese ko Bazu se Jiu amu ke luluekako ni kai kedu ko Jelepade ni vai kedu vo Romu ala Matu Aikovakova,” kiolake.

Iruruputo 26:4

“Kiadama Jiu amu ta kelai nianiia aṉako elo koizama aṉa vairua lala keru azo. Seta kekai nianiia aṉako pado ama elo aṉako saevo kale, kuleto ta a ṉaviko peuru kale ni koko tova ta Jerusalema.

Iruruputo 28:22

Melai eṉeta ṉeda ṉai zaria taṉa viqo ṉoko kerukeru, ako ṉe baqumuka ta kiadakoi zama maba poso ta ke perima ṉoko pitasa madu sole,” kikelake.

Romu 1:9

Aṉata ava nabuluputa vo Baṉara aṉako pado ama bulo sate kai bazubazuto kale vo Baṉara vo Meqora ko Uri ama Bazu. Ni vo Baṉara ta o rovea zomano aṉa a qasekako quli kale. Vota okai nianiia aṉako kerukeruemelo me