Iruruputo 21:33 - BAṈARA KO VAIRU AMA LEVELEVEO

³³ Ni sea solodia madu vo tanala ta o alokatake Paula kasi, ni o noqoevake vo, ni vota o bazuemake voko solodia madu tu seta ke pirievo vo omuqa seini kale. Ni vota o kuimaemake sea vaki, “Lala inio vo nea maba, ni loma ikio vota o sarueka?” ma kiolake.

Iruruputo 21:33 交叉引用

Epesasi 6:20

Ako aṉata iruruputo salala tu aqai pesiovou ko Uri ama Bazu sole. Ni komia pirito pade kale melai ko ikio abe ereka erisaṉa. So sole meta me lati vararaitou aṉa so keru aṉa aqai bazubazutou keru ko Uri ama Bazu tu aṉata parani putole a qasekou, koko male avo.

Iruruputo 21:11

Ni vota o ṉelai kuevake eṉe, ni ota va koake Paula ko beleti, ni vota o bibulikake o ṉaviko kiti ni ṉase topi, ni eri kiolake, “Eri nio vo Tabu ala Auvana kiolani: komia beleti sala ta soa pirievo inio ke elou se Jiu amu Jerusalema peuru kale, ni seta ke vaevou se pui Jiu amu ko pizato kale,” kiolake.

Iruruputo 20:23

Aṉa aqai nianiiako ta kiadama peuru kale ta olai bazueka vo Tabu ala Auvana ko piri ni tapata ta kobe tarela aṉa.

Iruruputo 12:6

Ni koa ipu puliako Herodi saqorivo vo Pita pirito pade kale azo tu o titizivo vaki ale kio nio Pita ta obeta maroṉake omuqa solodia kidi ko tiania. Ni omuqa seini kale ke pirieve ni mata omuqa solodia kidi ta inioqiana pirito pade ko veutu tona.

Iruruputo 28:20

Sokale avo inio aṉata a odiemelala me tu aqai pesio komi mekasi. Ako koko tuveano ko aṉa eria pirizio aqai evako komia seini kale ta vo Izireli amu keta vai keruani voko kilo ko kio kale avo inio,” kiolake.

Iruruputo 22:29

Nio taukavole sea maba poso seke kuimakuimaevo vo Paula kikelani ta keta vaitake vokasi azo, ni voa solodia madu ko kuleto ala melai ota ṉake, so keru vo o paqumuka keru ta vo Paula ta kala Romu amu ko pizato sala inio kio, ako vota lula o pirieve vo sole seini kale, ni so ta pui ko zarizia Romu amu ko bazu kale sole.

2 Timoti 2:9

Ni aṉako kai bazubazuto ko Uri ama Bazu kale avo inio aṉata tapata aqai eva ni aqai pirizia seini kale omadeuvo kala maba qavuna ko bazu o pazokani jari. Melai vo Baṉara ko bazu ta pui ko pirizia seini kale,

2 Timoti 1:16

Aṉako vararaito ta vo Lekasa ta o baisemou sea kiadamu vo Onesiporasi ko mabamu seke evani voko pade kale ako vota o zolelani aṉa kubo taku sole. Vota pui opa taka qurate ko aṉata kala pirito pade kalea lala kio,

Iruruputo 26:29

Ni Paula ta o opatake ni eri kiolake, “Rosi ama taku kale ma puju ama taku kale, aṉako vararaito kale vo Baṉara kasi ama ta ṉo ni mea kiada mela me meda la viqani mela aṉako pesio vairutu ta aṉa jari me elou, melai pui komia piri kale,” kiolake.

Iruruputo 25:16

Melai aṉata amai bazuekake se ta anime Romua mela ta pui animeko kalo ikio tu vai kuiriko kala ni vouvaevo, melai vota o toraemou seke vai kuirikani saita tu vota o opatikou se kevai kuirikako quli.

Iruruputo 22:30

Ni vo solodia madu vo kuleto ala ta oka zariake taka vailiko koko tuveano se Jiu amu kuiripato saṉa kevai ikako vo Paula, so sole koko raneo kale vota o rupasivake vo Paula ni o bazuemake se raura kama siama madu ni Jiu amu ko Kauniseli madu tu seta ke padoilo. Ni vota o vati olake vo Paula ni o lojoevake seko kuleto.

Pilipai 1:7

Meta aṉako roquano sama kerukeru kale kiada keru! So inio aṉata aqai nianiia ta aṉata a male tu a roquemelo mea kiada mela. Ako mea kiada mela ta me zomane sole aṉa sate vo Baṉara o katilema iruruputo kale, vo o katilema voko pakiezato sama roquano kale. Ni meta me zomane sole aṉa sate koa iruruputo kale so keru aṉa a qati qaraqarate keru ko Uri ama Bazu ni so keru aṉa aqai bazubazute keru koa tuveano sama Bazu, ni meta mata erisaṉa me zomana aṉa sate so keru aṉa pirito pade kale a eva keru.