Iruruputo 21:27 - BAṈARA KO VAIRU AMA LEVELEVEO

²⁷ Melai so keru koa sikeura ṉaniu vo Paula omai bazuekema ta kota okoto kikolake inio kake se Eisiama Jiu amu ta ke veake vo Paula Jelepade kale. Nio seta ke ikirimake sea matu padopadoilo seko korakorailo sama pesio kale ni ke noqoevake vo Paula.

Iruruputo 21:27 交叉引用

Iruruputo 26:21

Komi ko kio kale avo inio se Jiu amu ta ke saputilake so keru aṉa Jelepade kale abeta eve keru ni seta ke madoeke tu ke vouvaelo aṉa.

Iruruputo 24:18

Ni so keru aṉa komi abe ereka keru inio seta ke lati inotake aṉa Jelepade kale so keru aṉa lula a okotika keru aṉako bulebuleilo ko iruruputo. So keru ta puliama matuma vaki kopa eve aṉa sase ni puliama ṉiṉoreo kopa eve koa taku.

Iruruputo 13:50

Melai se Jiu amu ta ke jituemake se koa Pisidiama Anitioko peuru kale ama tanatanamu ni so jari se pui Jiu ama matuma rekoreko poso seke ilusivani vo Baṉara Jiu amu sase. Ni sea matuma maba poso ta ke taniekake naqueko Paula ni Banabasi ni seta ke butuekake nioqa Pisidia ranama peuru poso kale azo.

Iruruputo 18:12

Ni so keru Qalio qavuna o eva keru Akaia kale ama peuru poso kale, se Jiu amu ta ke padoivake, ni seta ke noqoevake vo Paula, ni ke vati olake titizato kale.

Iruruputo 17:13

Ni so keru se Tesalonaika ke evani Jiu amu ke viqa keru Paula kai bazubazuto vo Baṉara ko bazubazu Berea peuru kale, seta ke olake sai ni ke taniekake ṉavaṉavato ni lilomato.

Iruruputo 14:19

Ni kake Jiu amu ke kuevini Pisidia rana ma Anitioko azo ni Aikoniami azo ta kemai titiake sea matuma vaki tu seta seko rana ke elo, ni seta ke taivake vo Paula lado kale ni ke rajaevake ni ke ṉamuvake peuru ko kupekupe ni ke vaevake sai lula ota vouva kikelake sole.

Iruruputo 14:5

Ni kake pui Jiu amu ni kake Jiu amu ni seko tanatanamu ta kekai kaikuapake nioqa omuqa apositolo kidi ni seta ke taikou kikelake nioqa lado kale.

Iruruputo 14:2

Melai se Jiu amu se pui ke tuvevo putani ta keta ma niumaekake se kutumana kama pui Jiu amu ko kerukeru tu kemai kaikuapo seke tuvevo puteni.

Iruruputo 6:12

Koa kalo kale inio seta ke korakoraemake se maba poso, se lotu lekasa poso ni Mosese ko Bazu kekai nianiiekatani. So sole seta ke olake ni ke saputivake vo Sitiveni ni ke vati olake Kauniseli ko kuleto.

Iruruputo 5:18

Nio seta ke noqoemake se apositolo madu ni ke vaemake pirito pade kale.

Iruruputo 4:3

So sole seta ke noqoekake nioqa ni ke vaekake pirito pade kale ti kokai baroake koko raneo kale ama ṉaniu, ako koa taku ta lula matu raisiraisi kota evake sole.

Luke 21:12

Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

Iruruputo 2:9

Ako kake mela anime ta Patia azoa mela, ni kake mela ta Midia, ni Ilamu ni Mesopotemia azo, ni Jiudia, ni Kapedosia azo, ni Ponitasi, ni Eisia azo,

Iruruputo 6:9

Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Iruruputo 20:19

Kiadama aṉako zarazarailo ni kubo aṉako deumu sate aṉata a erekake aṉako iruruputo aṉako va nabuluputo kale vo Baṉara koa tapata kama taku poso kale koko baroima aṉa kasi se Jiu amu ko la abamato kale sole.

Iruruputo 24:11

Matu olu ṉokasi tu ṉoda ka kelo komi ko tuveano, ta pui kokai paloasa toni omuqa ṉaniu aṉa a qeve keru azo Jerusalema ilusatole.

2 Koriniti 11:26

Kubo aṉako talio kale aṉata a doraeke ko nioqololo ko tapata ni se kuilokuilo amu ke erekema tapata, ni a doraeke ko tapata se aṉako mabamu se Jiu amu ke erekema ni se pui Jiu amu ke katilema, ni aṉata a doraeke ko tapata koa matuma peuru poso kale ama, ni ivulu ama zaekale ama tapata, ni ko matu okate ama ololobagea kale ama tapata, ni se lipalipa kama baerebaere poso kasi ama tapata.

1 Tesalonaika 2:16

Se inio mata sea maba poso seke dokoliṉelo eṉe kikeveni kai bazuto kale me pui Jiu mu mela kasi vo Baṉara ko pakio ko borikako bazu. Koa keve kale inio seta ke ereka matuma boutare ko kobe kai paloasako kiadama seko sarueko poso seke erekako kiada keru. Ni kokale inio vo Baṉara ko matuma korakorailo ta vairutu pado kobe mai baroa.