Iruruputo 21:21 - BAṈARA KO VAIRU AMA LEVELEVEO

²¹ Seke viqema ṉoko bazu ta ṉota lula ṉo bazuema ni ṉo nianiiekima kiadama Jiu amu se pui Jiu amu ko valuvalu ke evani tu ukaka ke iko vo Mosese ko Bazu, ṉo bazuema tu seta pui ke movemou seko lasive meqora poso ni pui ke luluekou anime Jiua mela ko kalo.

Iruruputo 21:21 交叉引用

Iruruputo 21:28

Ni eri kikelake matuma kora kale, “Me Izireli amu mela! Tauveṉelomo! Nea maba inio vo o erekani ko nianiiekato kiadamu kasi kiadama zae poso kale tu o kapakapaemou se Izireli ama maba poso, ni vo Mosese ko Bazu, ni komia Jelepade. Ni erisaṉa ta vota mata o mati kue se pui Jiu amu Jelepade ko poro kale ni seko kapakapato ta lula sarosaroro ko ikala komia tabu ama pade!”

Iruruputo 28:17

Ni zouke ṉaniu ko tova inio Paula ta o nokaemake sai ke evani Jiu ama tanatanamu vatovatoito ko pesipesito kale, sai nio vota eri kiolake sekasi, “A baerebaere poso mela, aṉata pui aba ereke ruqe ama kalo animeko maba madu kasi ni so jari pui aba bikoirike animeko vikuvikula bazu. Melai seta ke vaelake Jerusalema pirito pade kale ni ke lati sorotake aṉa se Romu amu ko ṉase topi.

Iruruputo 16:3

Nio vo Paula ta ova zariake odievo vo Timoti tu vota o luluevo vo kiolake, so sole vota o movevake vo. Vota so o movevake vo ako kiadama Jiu amu seke evani koa omuqa peuru kale amu ta lula ke paqumuke ta Timoti vo Mama ta Quriki ala sole.

Iruruputo 21:22

Tuvevo seta ke viqou ta ṉota lula ṉoda barola koi. So sole loma ikio ko ereilou?

1 Tesalonaika 2:16

Se inio mata sea maba poso seke dokoliṉelo eṉe kikeveni kai bazuto kale me pui Jiu mu mela kasi vo Baṉara ko pakio ko borikako bazu. Koa keve kale inio seta ke ereka matuma boutare ko kobe kai paloasako kiadama seko sarueko poso seke erekako kiada keru. Ni kokale inio vo Baṉara ko matuma korakorailo ta vairutu pado kobe mai baroa.