Iruruputo 2:38 - BAṈARA KO VAIRU AMA LEVELEVEO

³⁸ Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 2:38 交叉引用

Iruruputo 22:16

Ni erisaṉa ta noi sole inio ṉoda taruana? Zolai ni bapitaiso eve ni ṉoko sarueko poso ta kota ṉa jareruilou ṉoko vararaito vo Lekasa Jisu kasi ama kale,’ kiolake.

Maka 16:16

Ni vo tuvevo o iko ala koa Uri ama Bazu ni bapitaiso o elo ala nio o pakiovou. Melai vo o kapakapato ala ta Baṉara inio o titizivou vo.

Iruruputo 8:12

Melai so keru seke tuvevo pueke keru Pilipi okai bazubazutema Uri ama Bazu vo Baṉara ko lekasa puo ko ni Jisu Karisito ko inio seta bapitaiso keta evake, lasive amu ni rekoreko amu.

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

1 Pita 3:21

Koa ju ko kalo ta bapitaiso jari, ni meko bapitaiso puilo kale inio Baṉara ta o pakiemela me komia taku kale. Melai koa bapitaiso ta pui meko tupu kale ama kaqa tamela ṉamuko kaqe inio, melai kota meko uri ama upo kale ama lilizio vo Baṉara kasi ama. Ni koa kiadama ta so, ako vo Jisu Karisito ta o saeve sole voukale azo,

Iruruputo 10:48

So sole vota o bazuemake se tu seta bapitaiso ke elo Jisu Karisito ko ṉikale. Ni seta kevai titiake vo tu vota o elo sekasi kama poso ṉaniu tiniavo, ni vota so o kae.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

Romu 6:3

Ako meta meqai uria nianiia so keru anime lula omadeu me eve keru Jisu Karisito sase voko bapitaiso kale, so keru inio animeta mata bapitaiso me eve voko voukale.

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Iruruputo 17:30

Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Iruruputo 26:20

Kuleto ta Damasikasi ti Jerusalema ni koa pado ama Jiudia ni mata se pui Jiu amu kasi aṉata aba bazubazute sai tu seta ke lilizio seko sarueko poso kale azo ni ke lilizio Baṉara kasi ni ke ereko ko quli seko lilizio kasa ko iko ama.

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Taitasi 3:5

vota o pakiemele anime. Pui kama quli uri ama anime lula me erekako kale, melai voko pakiezato sama roquano kale inio vota o pakiemele anime vo Tabu ala Auvana kale ama pusailo kale, vo o katimeleni anime vairu ama alilo ni vairu ama saevo.

Maka 1:15

Ni eri kiolake, “Ko tutututuki ama taku ta kobeta kueva, ni vo Baṉara ko lekasa puo ta sipole! Tu meta liliziomo meko ruqe kale azo ni tuvevo ikomo ko Uri ama Bazu,” kiolake.

Iruruputo 16:15

So sole ko ni se koko pade kale ke evani ta ke bapitaiso puivake, ni koko tova kota ko paseṉelake eṉe, ni eri kikolake, “Kuemo ni pa emo saita aṉako pade kale, aṉata tuvevo avole a duvevo puevani lala vo Lekasa kimela ta!” kikolake. Ni kota ko ṉelai matu titiake eṉe sole eṉeta ṉe olake koko pade kasi.

Iruruputo 8:20

Melai Pita ta o vati tiorikake vo ni eri va kiolake, “Ṉo ni ṉoko seleni ta olako heli kale, ako ṉota ṉo qerukeruta ta ṉota ṉo roveovou tatabaraeko vo Baṉara ko katizato seleni kale kiṉola inio kio!

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

Matiu 3:6

Ni sea maba poso ta kekai eraeraoke seko sarueko poso Baṉara kasi, nio vo Jone ta bapitaiso o imake se Jodani sukuru kale.

Luke 3:10

Ni sea padopadoilo ta ke kuimaevake vo ni eri kikelake, “Sole loma ikio ṉe erekou eṉe, tu kasa ṉe ikou eṉeko lilizio eṉeko sarueko kale azo?” kikelake.

Iruruputo 10:43

Kiadama poropita madu ta kevai bazute vo, ni ke kaseke ta sea kiadamu seke tuvevo puevo amu vo ta kota ma akoilou seko sarueko poso vo Jisu kale kude,” kiolake.

Iruruputo 13:38

“Sokale avo inio eqeta qe mela zaria me tu kai nianiiomo ko, me aṉako lolo poso mela Izireli amu mela, vo Jisu kovai ereima quli ta ko kaseka sarueko ko akoezato sama bazubazu mekasi, ni kiadamu seke tuvevo puevani vo ta ke rupasia kiadama sarueko ko kuiripato kale azo. Melai vo Mosese ko Bazu ta pui ko roveako rupasimelo me koa sarueko ko kuiripato kale azo.

Epesasi 1:7

Matu aqasiele ama vo Baṉara ko pakiezato sama roquano, ako vo Karisito ko voukale inio animeta me rupasiovi sole ni ota mela akoeke animeko boutare.