Iruruputo 18:18 - BAṈARA KO VAIRU AMA LEVELEVEO

¹⁸ Ni Paula ta o evake seke tuvevo putani sase matu kubo ṉaniu Koriniti peuru kale, ni koko tova vota o vaemake se ni ota zazuake kala tepe vaka topi tu o vaito Siria. Ni Pirisila ni Akuila melai qo luluevake vo. Vo Paula ta lula ota tabutabui voko pui kobueko kale voko tou, ni kota kobeta okote voko tabutabuo ko taku, so sole puliako tadao vaka kale Senikeria azo vota mata o kobuekake ko.

Iruruputo 18:18 交叉引用

Iruruputo 21:24

Ola sekasi ni pa mati zomane seko tabutabuo ko bulebuleilo kale, ni ṉota ṉoma tabarikou seke siqaeko ama biaṉa poso, tu seta ke okotikou seko tabutabuo ni qopu rui ke elou. Sokale kude inio kiadamu ta kekai nianiiovou kiadama ṉo ṉa kikelani avo ta pui tuvevo kopa elou, ako ṉo ṉavi ta ṉobe kati vaila vo Mosese ko Bazu sole.

1 Koriniti 9:20

So keru aṉa a iruruputa keru se Jiu mu sase, aṉata Jiu mu jaria saevo a eva tu koa keve kale aṉata a lilimo se. So inio se sase a eva keru, aṉata se jaria lulueko a eva Mosese ko Bazu. Aṉata pui a lulueka vo Mosese ko Bazu tu aṉako sidopu kaqe Baṉara ko kelokelozato kale, melai aṉata se jaria pado saevo ni iruruputo a eva, tu aṉata a lilimo se.

Romu 16:1

Aṉata a melai bazueka ko animeko visi Foebi ta kama uria iruruputo ama reko, koko nabuluputako Kenikarea lotu qoqono kasi.

Iruruputo 18:2

Sai nio vota o toraevake kala Jiu ala maba Akuila va kikelani, Ponitasi rana o alileni, vo vairua kilo obe evani sai voko reko Pirisila sate, ako vo Romu ala Aikovakova Kalaudiasi ta o bazuemake kiadama Jiu amu tu seta ke vaeko ko Romu peuru kiolake sole. Nio Paula ta o olake soipimole se,

Qelesia 1:21

Ni koko tova inio aṉata a olake Siria ni Silisia rana.

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 21:3

Ne baroake sai Saipirasi udu ṉebe roveakoi kelo, ti udu ko palo rana vasia pakeo ṉe evake Siria. Ni eṉeta ṉe vikuake Taea, sai voa vaka o saqoratakoi ko lomaloma.

Iruruputo 18:26

Ni Apolosi ta parani putole o bazubazutake se Jiu amu ko ilusato ko pade Ni Pirisila ni Akuila ta qota va viqake voko bazubazuto, Saita inio nioqata qo odievake vo ni qo vati olake nioqako pade kasi ni nioqata sidopua zakaremu pueko qovai evake vo Baṉara ko keve.

Iruruputo 15:41

Ni nioqata qo olake Siria ni Silisia saizama peuru poso kale, ni qo pizatimake se lotu qoqono poso.

Matiu 4:24

So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu.

Maka 6:46

Nio o vaitoema sea vaki ko tova inio vota ota olake sopu kale vararaitole.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 18:27

Ni Apolosi ta oka zariake zio Akaia ranama peuru poso kale, so sole se Epesasi ama lotu qoqono ta ke tauvevake vo seko ma rikieko kale seko paseto sama leta Akaia ma lotu qoqono poso kasi tu seta ke baroekivo vo. Ni so keru vo o baroa keru sai, vota o matu tauvemake sea maba poso vo Baṉara ko pakiezato sama roquano kale ke tuvevo puteni.

Iruruputo 21:23

Komi quli kio eṉe ṉeqa zariako tu kota ko ereilou. Iniseana ariku maba koi eṉe kasi seke tabutabuani seko pui kobueko kale seko tou.