Iruruputo 16:15 - BAṈARA KO VAIRU AMA LEVELEVEO

¹⁵ So sole ko ni se koko pade kale ke evani ta ke bapitaiso puivake, ni koko tova kota ko paseṉelake eṉe, ni eri kikolake, “Kuemo ni pa emo saita aṉako pade kale, aṉata tuvevo avole a duvevo puevani lala vo Lekasa kimela ta!” kikolake. Ni kota ko ṉelai matu titiake eṉe sole eṉeta ṉe olake koko pade kasi.

Iruruputo 16:15 交叉引用

Iruruputo 11:14

Vo inio o rukueko ala koa pesio ṉokasi koko pakieṉo ama ṉo ni ṉoko pado ama saidi ko pakiemo ama,’ kiolake.

Hiburu 13:2

Kerukerutomo tu meta baroekimomo se edolomu meko peuru kale, se puju ama taku me sase ke elo amu. Ako so keru kake maba madu ke ereke keru koa keve, seta ke tauvemake kake mateana madu, puliako nianiieme se.

Iruruputo 16:33

Ni koa taku kale koa ipu inio vo pirito pade o kati vailani ta o odiekake nioqa ni ota ka pusaekake nioqa ko tabi, ni vo ni kiadamu voko pade kale ke evani ta maba koa taku kale inio bapitaiso keta evake.

Luke 24:29

melai nioqata qo kaitivake vo ni eri kiqolake, “Eqe kasi eve, ako matu sipole kota ipukou ni kutumana kota elou sole,” kiqolake. So sole vota okai vaitake nioqa ni o evake nioqa sate.

3 Jone 1:8

So sole anime lotu maba mela inio me dauvemou soama maba madu. Ni so keru me erekou keru koa iruruputo animeta me mati puarikinia inio se tuvevo ama bazu ko iruruputo kale.

3 Jone 1:5

So sole a baerebaere, matu uri ṉota ṉobeta ola tauvemo se pakepakeo lotu maba madu, ni so jari se ṉo pui ṉomai nianiiani melai ṉo dauvema.

1 Pita 5:12

Aṉata a rikieka komia puju ama riki mekasi Sailasi ko tauvelo kale. Ni aṉata avai nianiia ta vota kala pado animevo tamania kale ala kerula kala vo Jisu Karisito kale. Aṉata a mela rikita me tu a zaubarimelo me ni a melai bazueko ko quli aṉa a uria kai nianiiako quli, ako komi ta tuvevo ama vo Baṉara ko tauvezato sama roquano sole. So sole meta pataitomo koa tauvezato sama roquano kale.

Pilimone 1:17

Ṉota ṉo baqumuka ta aniqeta omadeuma iruruputo qe erekani qela kio, so sole ṉota baroekiva vo omadeuvo aṉa ṉoṉo baroekilou jari.

Pilipai 1:7

Meta aṉako roquano sama kerukeru kale kiada keru! So inio aṉata aqai nianiia ta aṉata a male tu a roquemelo mea kiada mela. Ako mea kiada mela ta me zomane sole aṉa sate vo Baṉara o katilema iruruputo kale, vo o katilema voko pakiezato sama roquano kale. Ni meta me zomane sole aṉa sate koa iruruputo kale so keru aṉa a qati qaraqarate keru ko Uri ama Bazu ni so keru aṉa aqai bazubazute keru koa tuveano sama Bazu, ni meta mata erisaṉa me zomana aṉa sate so keru aṉa pirito pade kale a eva keru.

Epesasi 1:1

Aṉa Paula lala vo Jisu Karisito vo apositolo lala, aṉa apositolo a eveni lala vo Baṉara ko vatolo kale, ta a mela rikita me Epesasi amu mela vo Baṉara ko maba poso mela meme duvevo puevani mela vo Jisu Karisito.

Qelesia 6:10

Ni so keru anime meqai roveovo ama taku kale animeta me dauvemou kiadama maba madu ni me dauvemou matuvole se kevai oquani vo Jisu Karisito.

2 Koriniti 12:11

Aṉata kala sarube ala maba jaria rauraraurailo abe eva, melai me inio so me ilani mela ko aṉa. Ako me inio me male tu rauraelo aṉa sole, melai meta pui meba lai zolei ko aṉa. Ako aṉata pulia quli lala abe elou melai, aṉata maba pui zara kalala sea meko matuma “apositolo” madu ma kimelani kasi azo sole.

2 Koriniti 5:14

Eṉeta ṉe matu iruruputa ako vo Karisito ta o matu roqueṉela eṉe sole, ako eṉeta ṉeqai nianiia ta voa omadeu pado maba inio oma vovi kiadama maba madu ni animea kiada mela ta omadeuvo meqai zomane jari voko voukale, ni omadeuvo vo voula maba jari vo pui opa ereko ala ko sarueko, animeta me male tu pui mata ereko ko sarueko.

Romu 16:23

Vo Qaiasi, vo aṉa o ranelani voko pade kasi, sai lotu qoqono ko padoivakoi, ta o melai soroeka voko roquano. Ni Erasitasi, vo o kati vailani ko takula komia peuru kale, ni animeko tamania kale ala Kuatasi melai qo soroeka nioqako roquano.

2 Jone 1:10

Ni kala maba ta o kilou mekasi, ni okai nianiiekatou edoloma nianiiekato, pui vo Karisito ko nianiiekato jari ama, ta pui me zarievou tu o kilou meko pade kasi, ni pui me baroekivou vo.

Iruruputo 18:8

Ni Kurisipasi koa Jiu amu ko ilusato ko pade vilua pikopiko ota kai evani, ni kiadama voko saidi ta keta tuvevo puevake vo Lekasa Jisu, ni matu kubo Koriniti ke evani maba poso seke viqeni ko Uri ama Bazu, ta keta tuvevo putake, ni bapitaiso keta evake.

Iruruputo 8:38

Nio voa raura kala maba ta o bazuevake totiaqolo o taliekani maba tu o dokoliko ko, ni vota o dokolikake, nio Pilipi ni voa raura kala maba ta qo saqorake jukale, ni Pilipi ta bapitaiso o ivake vo.

Iruruputo 8:12

Melai so keru seke tuvevo pueke keru Pilipi okai bazubazutema Uri ama Bazu vo Baṉara ko lekasa puo ko ni Jisu Karisito ko inio seta bapitaiso keta evake, lasive amu ni rekoreko amu.

Luke 14:23

Nio vo lekasa ta mata eri kiolake vovo nabulu kasi, ‘Ola peuru kupekupe ama matu keve poso kale ni silo ama keve poso kale ni pa bazubazuema sai ke evani maba poso tu ke sukatiko ko pade!

Matiu 10:41

Ni vo o baroekivo ala vo Baṉara vo bazubazuto ko maba, voa bazubazuto ko maba ko vai nabulupute vo Baṉara ko kio kale avo, ta o zomanou kovo voa Baṉara vo nabulu ko reketekete. Ni vo o baroekivo ala kala sidopu ala maba, voa maba ko sidopu elo ko kio kale avo, ta o zomanou kovo voa sidopu ala maba ko reketekete.

Matiu 3:6

Ni sea maba poso ta kekai eraeraoke seko sarueko poso Baṉara kasi, nio vo Jone ta bapitaiso o imake se Jodani sukuru kale.

Iruruputo 16:31

Ni nioqata qo vati tiorikake vo ni eri kiqolake, “Tuvevo iva vo Lekasa Jisu nio ṉota ṉo bakiovou, ṉo ni ṉoko saidi ni ṉokale amu ṉoko pade kale ke evani,” kiqolake.

Iruruputo 16:34

Ni vota o kati olake Paula ni Sailasi voko pade kale ni o niaekake ko sailao ni qo vuatake. Ni vo ni vokale amu ta keta matu zoleike, ako seta ke tuvevo puevake vo Baṉara sole.