Iruruputo 15:23 - BAṈARA KO VAIRU AMA LEVELEVEO

²³ ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 15:23 交叉引用

Iruruputo 23:26

“Aṉa Kolodiasi Laisiasi lala taṉa paṉao kale ṉoa Qavuna Filekisi ṉa. Matu uri aṉata a rovea rikieko komia leta ṉokasi.

Jemisi 1:1

Aṉa Jemisi lala, vo Baṉara ni Lekasa Jisu Karisito vo nabulu lala, ta a rikieka komia roquano sama leta kiadama vo Baṉara ko maba poso mela me lula birebirea elo me evani mela kasi kiadama peuru ma peuru kale.

Qelesia 1:21

Ni koko tova inio aṉata a olake Siria ni Silisia rana.

Iruruputo 15:22

Nio se apositolo madu ni se lotu tanatanamu ta ke padoivake koa pado ama lotu qoqono sate, ni ke pitoemake kake maba poso koa poqala kale azo tu seta ke soroemo se Anitioko Paula ni Banabasi sate kikelake sole. Ni seta ke pitoekake omuqa maba kidi sea lotu qoqono keta ka matu paṉaovani nioqa, Jiudasi, vo Basabasi va kikelani, ni Sailasi,

3 Jone 1:14

Melai sipole inio abe ṉai kilou soipiṉole, kiala nio omadeukoi qe uria pesipesitou.

2 Jone 1:13

Noko pitopito ama visi vo Karisito kale ama ko meqora poso ta ke soroeka seko roquano ṉokasi. A baika.

2 Jone 1:10

Ni kala maba ta o kilou mekasi, ni okai nianiiekatou edoloma nianiiekato, pui vo Karisito ko nianiiekato jari ama, ta pui me zarievou tu o kilou meko pade kasi, ni pui me baroekivou vo.

2 Jone 1:3

Vo Baṉara animevo Mama ni vovo Meqora Jisu Karisito ko pakiezato sama roquano, ni tauvezato sama roquano, ni bule ta ko elou anime tona. Ni animeta me qovou vo Karisito ko tuveano ni roquano ko puratikako mauruto.

Iruruputo 15:41

Ni nioqata qo olake Siria ni Silisia saizama peuru poso kale, ni qo pizatimake se lotu qoqono poso.

Iruruputo 15:4

Ni so keru seke baroi keru Jerusalema inio se lotu qoqono ta ke baroekimake se, ni so jari se apositolo madu ni lotu tanatanamu, ni Paula ni Banabasi ni mata kake ta ke kasekake kiadama quli vo Baṉara o erekako quli seko iruruputo kale.

Iruruputo 15:1

Ni kake lotu maba poso seke kuevini Jiudia azo Anitioko ta ke taniekake nianiiekimo seke tuvevo putani ni eri kikelake, “Meta pui me qovou ko moveilo vo Mosese ko Bazu ko kasekako ta meta pui meba roveovou pakio,” kikelake.

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Iruruputo 21:25

Melai se pui Jiu amu seke tuvevo putani ta lula ṉemai soroeka ko bazu tu seta eri pala ke kalou: seta pui ke kuovou ko sailao beku poso kasi lula ko katiziako ni pui ke kuovou ko dara ni kama biaṉa ko ke mukiekako, ni seta pui ke erekou ko pauvezato,” kikelake.

Iruruputo 21:3

Ne baroake sai Saipirasi udu ṉebe roveakoi kelo, ti udu ko palo rana vasia pakeo ṉe evake Siria. Ni eṉeta ṉe vikuake Taea, sai voa vaka o saqoratakoi ko lomaloma.

Iruruputo 18:18

Ni Paula ta o evake seke tuvevo putani sase matu kubo ṉaniu Koriniti peuru kale, ni koko tova vota o vaemake se ni ota zazuake kala tepe vaka topi tu o vaito Siria. Ni Pirisila ni Akuila melai qo luluevake vo. Vo Paula ta lula ota tabutabui voko pui kobueko kale voko tou, ni kota kobeta okote voko tabutabuo ko taku, so sole puliako tadao vaka kale Senikeria azo vota mata o kobuekake ko.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Matiu 4:24

So sole vo Jisu ko bazu ta ko aerake kiadama zae poso kale ti kobeta baroake Siria rana matu peuru kale. So sole seta ke mati olake Jisu kasi kiadama maba poso se azaazama vere samu. Kake ta matuma tola samu, ni kake ta ziolo komai onobatani, ni mata kake ta pireṉe vere samu, ni mata kake ta lepu amu, melai Jisu ta o urikimake sea kiadamu.

Iruruputo 6:9

Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Iruruputo 11:20

Melai kama volei seke tuvevo putani se Saipirasi ni Sairini azo amu ta ke keve Anitioko peuru kale ni seta ke bazubazutake se pui Jiu amu kasi melai, ni kemai uria bazuekake vo Jisu Karisito ko Uri ama Bazu.

Iruruputo 15:2

Ni Paula ni Banabasi ta ṉaloṉalo ama zolizoliekinio qo mati erekake kokale avo, so sole Paula ni Banabasi ni kake maba madu Anitioko amu ta ke pitoike tu ke zio Jerusalema ni kepa paqumuko se apositolo madu ni se lotu tanatanamu ko kerukeru kokale avo.