Iruruputo 14:17 - BAṈARA KO VAIRU AMA LEVELEVEO

¹⁷ Melai kiada keru vota kasa o eve o ṉavi, voko katimo kale se uri ama quli. Ako vota o katimela anime ko nioro ni epa poso koko taku poso kale, ni o mela puarika ko sailao ni o matu zolemela anime,” kiqolake.

Iruruputo 14:17 交叉引用

1 Timoti 6:17

Bazuema se batiro kekai evani erisaṉama saevo ko lomaloma tu seta pui kekai raurailo, ni seta pui kekai keruvou soama batiro, ako koa batiro ta kapiavole ko roveako paito sole, melai seta kevai keruvou vo Baṉara inio, vo puaropuaroa katimelo o evani kiadama uri ama quli koko zolemelako anime.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Matiu 5:45

Koa kalo ikio ko kasa puemelou ta meta mevo aukale ala Mama ko meqora poso mela, ako vo Baṉara ta omadeu taloekiko omai eva voko ṉaniu ko zakaremu se uri amu ni se ruqe ama maba poso, ni vota omadeu katimo o eva ko nioro ko mauruto se sidopu ke erekani ni se ruqe ke erekani.

Iruruputo 14:18

Soama pesio nioqako kale melai tapata tu dokolimo sea matuma vaki tu seta pui keka siqato nioqa.

Iruruputo 17:26

Omadeu maba kale inio vota o tanieke kiadama toutou poso tu seta ke loilou pado ama peuru ma peuru kale. O ṉavi inio o korotikake kuleto ko korokoroti ama taku ni o podetikake koa zae poso se kekai elo ama.