Iruruputo 11:29 - BAṈARA KO VAIRU AMA LEVELEVEO

²⁹ Ni seke tuvevo putani ta ke vatoekake tu seta ke padoekou ko seleni omaomadeu ke navinavi ko bokao kale tu seta ke soroeko ni ke tauvemo seko lotu baerebaere poso se Jiudia peuru poso kale ke evani.

Iruruputo 11:29 交叉引用

Qelesia 2:10

Ni seta omadeu quli ko kiada ikio ke paseqelake eqe, tu qepeta ziovou tauvemo se ozaoza kamu Jerusalema. Ni ko quli kio aṉa melai aqai matu zariako tu a ereko.

1 Koriniti 13:5

Seta pui ruqe ama kalo samu ni pui ke kiadaivani ni pui ke ṉuruṉuruani. Seke roquanani ta pui mamola saṉa ke ika edolomu ko sarueko poso.

Iruruputo 11:26

Ni so keru vo o veve keru vo, vota o vati olake vo sai Anitioko, ni nioqata omadeu pado ama sabere qo mati evake se lotu maba poso sai ke evani ni nioqata qo nianiiekimake matuma vaki. Anitioko inio kuleto seke tuvevo putani maba poso ta Kurisitiani madu ma kikeveni.

Iruruputo 11:1

Ni se apositolo madu ni seke tuvevo putani Jiudia ma peuru poso kale ke evani ta ke viqake se pui Jiu amu melai lula kekai oqua vo Baṉara ko bazubazu kio.

Iruruputo 4:34

So sole puliala koa poqala kale ala ta olaquavo o evake. Ako se miduku samu ma pade samu ta kekai tatabaraovake mati, ni seta ke kati kuevake se kekai tatabaraovake lomaloma poso ko seleni,

Jone 2:2

ni Jisu ni voko disaipeli madu melai ke koake koa bau vuato ko taipazato sole se melai sai.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 6:1

Ni kama taku poso ko tova, inio seke tuvevo putani ta kubo keta evake, koa taku inio se Jiu amu Quriki pesio mu seke tuvevo putani ni se Jiu amu ke ṉaviko Jiu ama pesio mu seke tuvevo putani ta keta aivekiniake ke ṉavio kude. Se Quriki pesio ama Jiu amu ta keta tirazake ako seko naboko poso ta lula ukaka kemai ika Jiu pesio mu ṉaniu poso kale ke puarikake sailao ma seleni seke koako sole.

Iruruputo 9:19

ni voko vuato ko tova voko tupu ta mata ko tova pizatake. Nio Saula ta o evake kama poso ṉaniu seke tuvevo putani sate Damasikasi.

Iruruputo 9:25

Melai omadeu ipu kale inio vo Saula ke luluevani ta ke vati olake vo ni ke teamuvake matu solou vesa kale ni ke soloevake peuru ko idi ko purapura kale kude.

Iruruputo 13:52

Ni se Anitioko ama maba poso seke tuvevo putani ta keta matu zoleivake ni omai sukatake vo Tabu ala Auvana.

Iruruputo 14:20

Melai so keru seke tuvevo putani kevai ubure keru vo, inio vota ota zolaike ni ota vaitake koa peuru kale. Ni koko raneo kale Banabasi ni vo ta qota olake Debi.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 24:17

“Aṉata a vaeke ko Jerusalema kubo sabere poso, ni aṉata mata a qeve sai ni a qati keve kama seleni a mabamu kasi ni mata a ṉavi ta a ereko ko siqasiqa kialake.

Matiu 25:17

Omadeuvo jari voa nabulu vo o kativeni omuqa vuro takula vota mata o koake kama omuqa vuro takula.