Epesasi 6:23 - BAṈARA KO VAIRU AMA LEVELEVEO

²³ Ni aṉata a vararaita tu vo Baṉara animevo Mama ni vo Jisu Karisito ta o katimelou kiadama lotu maba mela voko bule ni oqu sama roquekinio.

Epesasi 6:23 交叉引用

Qelesia 6:16

Bule ni tauvezato sama roquano ta ko elou se tona seke lulueko amu koa vairu ama saevo ko bazu, ni kiadamu vo Baṉara ko maba madu kasi, ako se inio ko tuvevo ama Izireli qoqono Baṉara ko sole.

1 Pita 5:14

Toraekiniomo muli tabu ama roquekinio kale. Ni bule ta ko elou vo Karisito ko maba poso mela tona.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

1 Timoti 1:14

Ni vo Baṉara ta olai avozikake voko palopaloasi ama roquano ni vota o katilake aṉa koa oqu ni roquano ko anime me qoako so keru me duvevo pueva keru vo Jisu Karisito.

Kelokelozato 1:4

Aṉa Jone lala ta a joroeka aṉako roquano mea sikeura lotu qoqono Eisia rana me evani mela kasi. Pakiezato sama roquano ni bule vo Baṉara kasi azo ko kuevako ta meko, vo koko tanitanila kale o eveni, ni vo erisaṉa obeta evani, ni vo mainio opa kilo ala, ni koa sikeura auvana kasi azo ama koko evako voko papupapu ko kuleto,

1 Timoti 1:3

Aṉata aṉa zaria ṉo tu beta eve Epesasi peuru kale, lula ṉati kiavevo jari so keru aṉa Masedonia peuru poso kale a qeve keru. Ako kama maba poso ta kebe kai nianiiekata sai ko lipalipa kama lotu ko bazu poso; tu ṉota maba dokolimo eve se.

2 Tesalonaika 3:16

Nio animevo Lekasa Jisu o ṉavi, vo bule ko raki, ta o katimelou me ko bule kiadama keve kale kiada keru. Ni aṉata a melati vararaita me tu vo Lekasa Jisu ta o elou mea kiada mela sase.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

1 Tesalonaika 5:8

Melai anime vo ṉaniu ko mela, ta inobe elo me elo. Animeta mevai oqu ni me roquevo vo Baṉara, ni kota ko qaramu-melou anime omadeuvo parani ala ko bako ko qaramuva vo jari, ni animeta piza kavole meqai keru vo Baṉara ko pakiemelo anime, omadeuvo pazokinio ko maba okai kerua jari voko zokele ama tarapae.

1 Koriniti 1:3

Vo animevo Mama Baṉara ni animevo Lekasa Jisu Karisito ko pakiezato sama roquano ni bule ta ko elou me tona.

Romu 1:7

Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

1 Timoti 5:8

Melai voa maba vo pui o mati vailani voko mabamu, ta o vaekani nio ko lotu saevo, ni vo pui oma lilitani voko saidi kale amu ta kala matu ruqe ala maba, vo omai paloasani se kutumana kamu koa voko ruqe ama kalo kale.

Romu 15:33

Vo Baṉara, animevo bule ko raki, ta o elou mea kiada mela tona. Emeni.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

Epesasi 6:24

Ni aṉata a vararaita tu vo Baṉara ko pakiezato sama roquano ni paito pide ama saevo ta ko elou seke roquevani vo Lekasa Jisu Karisito tona. A baika.

3 Jone 1:14

Melai sipole inio abe ṉai kilou soipiṉole, kiala nio omadeukoi qe uria pesipesitou.