Epesasi 6:14 - BAṈARA KO VAIRU AMA LEVELEVEO

¹⁴ So sole meta pizaka lojolo emo tuveano kale, ni kota tonaviso jari ko meqai bibuliako meko sipo topi. Ni meta sakekomo ko sidopu ama saevo meko dumidumi topi.

Epesasi 6:14 交叉引用

1 Tesalonaika 5:8

Melai anime vo ṉaniu ko mela, ta inobe elo me elo. Animeta mevai oqu ni me roquevo vo Baṉara, ni kota ko qaramu-melou anime omadeuvo parani ala ko bako ko qaramuva vo jari, ni animeta piza kavole meqai keru vo Baṉara ko pakiemelo anime, omadeuvo pazokinio ko maba okai kerua jari voko zokele ama tarapae.

Luke 12:35

“Ka inainaomo ko quli ko kilo ama, ni koikarikomo meko sabosabo ni pakekomo ko juke,

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

2 Koriniti 6:7

eṉeko kai bazuto kale ko tuvevo ama bazu, ni vo Baṉara ko pizato kale. Ko sidopu ama saevo ikio eṉeko okotoma vakovako tu ṉe qati pazokinio kiadama kana poso.

Kelokelozato 9:17

Ni aṉako kelokelozato kale ta aṉata a meake koa hose poso ko kekai zazuani maba poso: seta dumidumi topi ama zadozado samu uza jaria diridiri ama, ni kota mudamuda kama lado sapaea jaria luqumu ama, ni nai jaria vaqovaqo ama. Koa hose poso ko lezu ta laione ko lezu poso jari ama, ni seko suto kale azo ta kota saqorake ko uza, ni kolu, ni nai.

Kelokelozato 9:9

Seko dumidumi ta kekai saboeka ko dumidumi topi ke ikako aeani zadozado jaria kelo ama kale, ni seko zabu ko kelato ta omadeuvo ko totiaqolo kubo hose ko rajaekako pazokinio kale ko amaqea keru jari.

Romu 13:12

Ko ipu ta sipole kota paloasou, ni vo ṉaniu ta matu sipole erisaṉa. So sole animeta me epezo ereko ko kutumana ko quli, melai animeta me zolaeko ko sidopu ko bako, zakaremu kale ama pazokinio ko.

Epesasi 6:13

Sokale avo inio meta kiakomo kiadama vo Baṉara ko vakovako, nio so keru tapata kama pazokinio ko taku ko barolou keru meta me bataitou. Ni so keru me baloasikou keru koa pazokinio meta mebeta lojolou.