Epesasi 6:10 - BAṈARA KO VAIRU AMA LEVELEVEO

¹⁰ So sole meta pizatomo meko omadeu vati elo kale animevo Lekasa voko pizato kale.

Epesasi 6:10 交叉引用

Pilipai 4:13

Ako vo Karisito inio o pizatilani sole. So inio aṉata a rovea kai zoleilo kiadama quli ko a doraeko ama quli kale.

1 Koriniti 16:13

Vailomo ni pizaka lojolo emo meko vai oqu kale vo Lekasa Jisu, parani putomo ni pizatomo.

1 Pita 5:10

Tuvevo meta me dolailou matu puju ama taku kale. Melai vo Baṉara ta o matu roquemelani me, ni vota lula o nokaemelani me tu meta meqai zomanou voko noqola kama ṉaṉaidara vo Karisito ko mela voukale. Ni meko tolailo ko tova vota o korotimelou me ni o zaubarimelou me, ni o pizatimelou ni o vinaemelou me.

Kolosi 1:11

ni meta me bizatou Baṉara kale, koa pizato kale, koko kuevako voko ṉaṉaidara kama pizato kale, ni meta noqola ni vinavina me elou kiadama quli kale zoleilo sase.

Epesasi 1:19

Ni meta meqai nianiiovou ta vo Baṉara ko pizato ta matuma anime me duvevo putani mela kasi. Ako koa pizato koko tauvemelako anime ta matu piza kama sole,

Epesasi 3:16

Ni aṉata a baseva vo Mama, tu vota o katimelou me ko pizato voko matuma ṉaṉaidara kale azo, tu meta me bizatou meko auvana kale voko Tabu ama Auvana kale.

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

2 Timoti 2:1

So sole ṉo, ṉo a meqora ṉa, ṉota pizate koa pakiezato sama roquano kale ko animeko omadeu vati elo vo Jisu Karisito ko katimelako.

Pilipai 4:8

Ni koko tovatovama quli a visi poso mela, meta sukatikomo meko kerukeru uri ama quli kale ni koko male tu meqai raurailo ama quli. Kerukeruekomo ko tuvevo ama bazu, ni raura kama ṉi, ni sidopu ama kalo, ni bulebule ama saevo, ni ileile ama quli, ni paṉao sama kalo.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

Pilipai 3:1

A visi poso, komi ta aṉako tovatovama pesio mekasi; meta matu zoleimo vo Baṉara kale. Ni pui tapata ikio aṉa kasi tu aṉata a rikieko koa omadeuma quli mata mekasi tu ko tauvemelo me meko pakio kale.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.

1 Jone 2:14

Ni aṉata a mela rikita meqora poso mela, ako me inio mevai nianiiani mela sole animevo Mama. Ni aṉata a mela rikita mama ni niania kamela, ako me inio mevai nianiiovini mela sole vo o eveni koko tanitanila kale. Ni so jari aṉata a mela rikita me vairu ama maba poso mela ako meta piza kamela sole, ni vo Baṉara ko bazu ta me tona, ni koqo me iveni mela sole vo Setani.