Epesasi 5:26 - BAṈARA KO VAIRU AMA LEVELEVEO

²⁶ tu kota vo Baṉara ko ko elou. Ni vo Karisito ta okai iruruputa voko Uri ama Bazu tu vota bulebule o ikou ko lotu qoqono voko pusaeko kale bapitaiso ko jukale.

Epesasi 5:26 交叉引用

Jone 15:3

Ni vota lula o puputimele jari me koa bazubazu kale aṉa lula a qasekema mekasi.

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

Jone 3:5

Nio Jisu ta o vati tiorikake vo, “Tuvevo avole aṉata a bazueṉa ṉo, puliala kala pado maba ta opa roveovou kai amaqeo vo Baṉara ko lekasa puo vo pui nio o alilani ju ni Baṉara vo Auvana kale.

1 Koriniti 6:11

Kake mela me ta soa mela lulali. Melai erisaṉa meta lula saqasaqa me evani mela sarueko kale azo, ni meta lula Baṉara ko tabu ama maba poso me evani mela, ni meta lula sidopu me evani mela Baṉara ko kelokelozato kale animevo Lekasa Jisu Karisito mela voukale ni vo animevo Baṉara ko Tabu ama Auvana melai elo kale me. Taka papariomo ruqe ama iruruputo ko pauveko

Epesasi 6:17

Ni ṉeamukomo vo Baṉara ko pakio tu kota meko solodia madu ko zokele ama tarapae jari ko pakiemelou me. Ni kamakomo Tabu ala Auvana ko sopere, ni koa sopere ta vo Baṉara ko bazubazu.

1 Jone 5:6

Ni vo Jisu Karisito inio o kuevini ni kasa o mela eveni anime voko bapitaiso ko jukale ni mata voko vou ko dara kale. Vota pui kasa opa eve ju ko kiada kale, melai vota kasa o eve koa omuqa quli kale ju ni dara kale. Ni vo Tabu ala Auvana inio o bazuemela ta komi quli ta tuvevo ama, ako vo inio vo tuveano sole.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

1 Pita 3:21

Koa ju ko kalo ta bapitaiso jari, ni meko bapitaiso puilo kale inio Baṉara ta o pakiemela me komia taku kale. Melai koa bapitaiso ta pui meko tupu kale ama kaqa tamela ṉamuko kaqe inio, melai kota meko uri ama upo kale ama lilizio vo Baṉara kasi ama. Ni koa kiadama ta so, ako vo Jisu Karisito ta o saeve sole voukale azo,

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Iruruputo 22:16

Ni erisaṉa ta noi sole inio ṉoda taruana? Zolai ni bapitaiso eve ni ṉoko sarueko poso ta kota ṉa jareruilou ṉoko vararaito vo Lekasa Jisu kasi ama kale,’ kiolake.

1 Pita 1:2

Vo Baṉara animevo Mama ta o vatoeke lulavo ni o pitoemele me tu vo Tabu ala Auvana ta voko tabu ama qoqono mela o imelo, ni so inio vo Jisu Karisito ta bulebule o imele voko dara kale ni meta me zorive vo. Vo Baṉara ko roquano ni bule ta ko melai avoziovou me.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Jone 17:7

ni erisaṉa seta kekai nianiia ta kiadama quli ko ṉoṉo qatilema aṉa tu a ereko ta tuvevo avole ko kuevako ṉokasi azo kio.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

Jone 15:8

So inio aṉavo Mama ta o ṉaṉaidara puilou, meko matu epamato kale, ni so inio meta aṉako disaipeli mela me elou.

Jone 13:10

Nio Jisu ta eri kiolake vokasi, “Pui, vo maba vo lula o siusiutani ta lula uri ni bulebule ala, voko omuqa kiti pala keta va pusaekou, so inio erisaṉa aṉata ada mela pusaekou meko kiti pala. Ni mea kiada mela aṉako disaipeli poso mela ta lula uria elo ni bulebule meda eva, omadeu pado maba me azo ta pui inio bulebule o eva,” kiolake.

Romu 10:8

Koa Riki kikolani ta eri nio; “Vo Baṉara ko bazu ta ṉoko sipole, kota ṉoko suto kale ni ṉoko bulo kale ama tuvevo puto kale” —kota ko kaseka koa oqu ko bazu ko eṉe ṉeqai bazubazutako.

2 Koriniti 11:2

Aṉako melai konoilo me ta omadeuvo vo Baṉara o melai konoiva me jari; meta omadeuvo kama pado bulebule ama sinaqu rusu jaria mela ko aṉa lula a qati korotivani omadeu pado maba tu ko raevo, vo o ṉavi Karisito.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Hiburu 4:12

Ako vo Baṉara ko pesio ta saevoma ni piza kama, ni kota kokai paloasa ko omuqa rana ivoivo ama benisi ko ivo. Kota tutumazi avole ko jataeka omele ama saevo ni auvana maba ko saevo kale ama. Kota kasa ko ika vo maba ko mutamuta kama vatolo ni kerukeru poso voko bulo kale ama.

Hiburu 10:14

Omadeu pado siqasiqa ko kiada kale vota noqola sidopu o imake se lula bulebule ke evani seko sarueko kale azo.

Hiburu 10:29

Melai matu palopaloasia tapata inio o elo avo voa maba vo o perivani vo Baṉara vo Meqora ni vo zara kerukerueko o evani vo Baṉara vo leveleveo ko dara ko vo bulebule ko ivako voko sarueko kale azo, ni vo o ruqe kasevani voa pakiezato sama roquano sala Tabu ala Auvana. Voa maba ta o tareka vo Baṉara ko koqotato ko vo o kovo ama.

Hiburu 13:12

Sokale avo inio Jisu ta soa vou o eve Jerusalema peuru ko kupekupe tu vota o ṉaviko tabu ama maba poso o imelo anime, voko dara kale.

2 Pita 1:9

Melai kala ta puliama ko quli sala, vota pui o uria keazatani ni vota leqa kala jari, ako vo inio vo ukaka o ikani voko lulama saqailo voko boutare kale azo sole.