Epesasi 5:23 - BAṈARA KO VAIRU AMA LEVELEVEO

²³ Ako vo tanala lasive inio koko lezu sole voko reko, omadeuvo vo Karisito ta voko lotu qoqono ko lezu jari, ni o ṉavi Karisito nio o pakiemeni se lotu qoqono kale ama maba madu, ako ko lotu qoqono ta voko tupu jari sole.

Epesasi 5:23 交叉引用

Kolosi 1:18

Vo inio koko lezu voko lotu qoqono, ni vo inio koko raki koko saevo, vo inio vo kuleto ala vo o saeveni voukale azo, tu vo o kiada ta raura o elo kiadama quli kale azo.

Epesasi 4:15

Melai animeta meqai pesiovou ko tuveano roquano kale ni animeta me rapukou kiadama keve kale tu Karisito jari me elo, ako animeta omadeuvo voko tupu jaria mela ni vo inio animeko lezu sole.

1 Tesalonaika 1:10

tu tareko vovo Meqora ko vaito aukale azo. Vo inio vovo Meqora Jisu, vo lula o saeviveni voukale azo tu o pakiemelou anime vo Baṉara ko korakorailo koko kilo ama kale azo.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.

1 Koriniti 6:13

Kala ta mata eri kiovou, “Baṉara ta o ereke ko sailao tu siapa kaqe, ni vota o ereke ko siapa tu sailao kaqe.” Kota tuvevo melai vo Baṉara inio o epeziko ala koa omuqa quli. Baṉara ta pui opa katimele ko tupu tu kai pauvezato kaqe, melai va nabuluputo kaqe vo, ni animeta voko mela.

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Epesasi 5:24

Ni voko lotu qoqono ta ko zoriva vo Karisito. So jari pado inio me tanama reko poso mela ta zorimomo meko tanama lasive poso kiadama quli kale.

Kelokelozato 19:7

Animeta me zurailo ni me zoleilo, ni mevai ilusiko voko lekasa puo! Ako vo Sipi Meqora ko bau vuato ko taku ta lula kota baroa sole, ni voko reko ta lula koka inainaovako ko navi sole.