Epesasi 4:14 - BAṈARA KO VAIRU AMA LEVELEVEO

¹⁴ So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

Epesasi 4:14 交叉引用

Hiburu 13:9

So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

Jemisi 1:6

Melai so keru meme vararaitou keru, meta tuvevo putomo ni pui niuniala elo. Vo niuniala o evani maba ta omadeuvo ko ivere kale ama vate ko qiloqiloeka ni ko alazikako ko ururu jari.

Epesasi 6:11

Ni kiakomo koa kiadama vo Baṉara ko vakovako so inio meta me roveovou kati pazokinio kiadama vo Setani ko vimazioputo ni ubeubezato.

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

2 Timoti 4:3

Ako koa taku ta kota baroa so keru se maba madu ke kaikuapou keru viqo ko tuvevo ama bazubazu sole, ni so keru seke luluekou keru ke ṉaviko vatolo poso, ni so keru seke vailimou keru kubo titisa madu tu sea titisa madu ta kemai bazueko se ko quli seko zolemako seko viqaviqazata kale.

Jiudi 1:12

Sea maba poso ta kaqa keta mela ika meko bairumuo vuato ako kokale seta qurato pide ke utu zoleiva ke ṉavi sole ni seta ke kerukeruiva ke ṉavi pala. So inio seta nioro pide ama lei, koko alazikako ko ururu jari amu. Ni seta epa pide ama ore jari amu, so keru koko epako ko taku keru melai epa pide ama, seta ko rabuivako ni ko vouvako ore jari amu.

Kelokelozato 19:20

Ni seta ke noqoevake voa biaṉa ni ke noqoevake voa lipalipa kala poropita vo o erekani ko aqasiele ama iruruputo voa biaṉa ko tanama kale. (Koa aqasiele ama iruruputo omai lipalipaekema seke koeni vo biaṉa ko mamola ni keta va ilusikeni voko beku.) Ni voa biaṉa ni voa lipalipa kala poropita ta omadeu risaeko ke evake saevoa nioqa uza kolabale ni ke siqaekake nai sama uza kale.

Qelesia 3:1

Me sarube ama Qelesia mu mela! Meta kake inio kebe matu uria lipalipaemela! Ako meta mebe uria viqeni mela inio sole vo Jisu Karisito o erekema quli voko voukale korosi topi.

Matiu 24:11

Ni matu kubo lipalipa kama poropita madu melai keta puratou ni ke saruemou matu kubo madu.

1 Jone 2:26

Aṉata a mela rikita me tu a melai balauvimo sea maba poso, se kekai zariani saruemelo me.

2 Timoti 3:13

ni se ruqe ama maba madu ni se lipalipa kamu ta matu ti matu ruqe avo ke kalou, ni seta ke lipaemou se edolomu ni ke lipailou ke ṉavi.

2 Koriniti 4:2

So inio eṉeta pui ṉeqai bazubazutani ṉela kakoi kazo ko kuevako keve poso, eṉeta pui ṉe ubeubemani ṉela se maba poso tu ke tuvevo puto eṉeko roverove ama pesio kale ni eṉeta pui edolovo ṉe ikani ṉela vo Baṉara ko bazu. Eṉeko zakaremua kai bazuto kale ko tuveano vo Baṉara ko tanama kale eṉeta ṉe duvevo puiva kiadama maba madu ko bulo kale ama kerukeru kale.

Matiu 11:7

Ni vo Jone o soroekeni nioqa qo vaeva keru vo Jisu inio Jisu ta ovai bazubazutake vo Jone koa matuma vaki kasi, ni eri kiolake, “So keru meme qeve keru lealea kama zaekale viqole Jone ko bazubazu ta noni ala maba inio me meba velou va kimeveni? Kala lekuleku ala maba, seulele ko leko jari ala ko ururu ko viliviliekako? Pui!

1 Koriniti 12:2

Meta me baqumuka so keru me kutumana mebeta eva keru, meta me odiziovi kama pizato kale tu me ilusiko ko saevo pide ama beku poso.

Iruruputo 23:21

Melai ṉota pui ṉoda ma viqou se, ako ariku toni va maba madu ta keta va mutailou ni ke tarevou vo sole. Seta lula ke ereka ko kejo tu seta pui ke vuatou ni pui ke nozutou ti kebe vouvaevou vo sole. Seta kevai iṉupa ni kebe tareka inio ṉo kiṉovo avo sole,” kiolake.

1 Jone 2:19

Ni se vo Karisito ko kana madu ta animeko poqala kale ke eveni inio. Melai seta lula ke vaemele ni seko vaemelo ta kasa ko ika ta seta pui maba anime kale amu inio. Ako seta tuvevo avole animeko poqala kale amu tea, seta anime kasi nio kebeta elo. Melai ke vaemele sole meqai nianiia ta sea kiadamu ta pui maba anime kale amu kepa eve.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

Jemisi 3:4

Ma meta kerukeruevomo kala vaka: vota matula, ni ko matuma ururu ta ko soleva, melai omadeu silo ama ṉomanoma ikio ko sidopua ṉomanomaeva, ti vota o rovea zio sai vo rairirairi o kamakani oka zariakoi zio.

1 Timoti 3:6

Vota piza kala maba o elo oqu kale ni pui vairu ama oqu sala maba. So inio vota pui o raurailou ni pui o pialou vo Setani o koema kuiripato jari ama kale.

2 Timoti 1:15

Ṉota ṉomai nianiia kiadama lotu maba se Eisia peuru poso kale amu ta lula ke vaele aṉa, Puqelasi ni Hemoqenesi melai qota la soqoi.

1 Koriniti 3:19

Ako komia peuru ma peuru kale ama maba poso nianiio ka kikelako ta sarube ikio vo Baṉara ko kelokelozato kale. Omadeuvo ko Tabu ama Riki kikolani jari, “Vo Baṉara ta o ubeubema se nianiio mu seko matuma roverove kale; omadeuvo vo maba ta o tulumuka ko biaṉa sipata kale jari;”