Epesasi 3:13 - BAṈARA KO VAIRU AMA LEVELEVEO

¹³ So sole aṉata a basemela me tu meta pui lekuleku me elou ko aṉa kobe lai ereivako tapata ni tolailo ko kerukerueko kale, ako aṉako kai tolailo aṉako melati koidipo me ta meko rauraemelako quli kio sole.

Epesasi 3:13 交叉引用

2 Tesalonaika 3:13

Melai me, a qaka ni visi poso mela, meta pui jairoko ereko ko uri ama quli.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

2 Koriniti 1:6

Eṉe olaquavo ṉe eva keru inio meta meda patuka ni meda pakia; ni eṉe patukato ṉe qoa keru inio me melai me qoa ko patukato ni pizato. Ni koa pizato ta ko katimela ko bokao me, tu meqai inobea pataitou koa omadeuma tapata ni tola, ko eṉe ṉeqai evako jari.

Epesasi 3:1

Ni komi ko kio kale inio aṉata a melati vararaita me, aṉa Paula a biriziani lala vo Jisu Karisito vai bazubazuto kale avo tu me pui Jiu amu mela kaqe.

Qelesia 6:9

So sole animeta pui me jairozo uri ereko, ako so inio animeta me qovou sole koko epa noqola kama, tutututuki ama taku kale. Sole animeta pui niaba me elo.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

2 Koriniti 4:1

Eṉeta pui lekuleku ṉe eva, ako eṉeta ṉeqai nianiia ta o ṉaviko pakiezato sama roquano kale inio vo Baṉara ta o katiṉela eṉe komia eṉeko iruruputo sole.

Pilipai 2:18

Ni me melai matu zoleimo aṉa sate.