Epesasi 2:1 - BAṈARA KO VAIRU AMA LEVELEVEO

¹ Ni koko paloasako taku kale meko auvana ta vouma meko boutare ni pui zoripato kale.

Epesasi 2:1 交叉引用

Kolosi 2:13

Lulavo meta pui saevo mela auvana kale, ako so keru meta sarueko poso samela sole, ni meta pui Baṉara ko toutou Izireli kale amu mela, Baṉara ko Bazu pidea mela koko katiziovima Mosese kale kude. Melai erisaṉa vo Baṉara ta o saevimela me Karisito sase, Baṉara ta lula ota mela akoeka kiadama animeko sarueko poso.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

Epesasi 4:18

ni seta pui ke paqumuka ni pui ke mamura ako seta pui kekai zaria didiano sole. So inio seta pui kepa kovou koa saevo vo Baṉara okai zariako katimo.

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

1 Jone 3:14

Ako animeta meqai nianiia ta animeta lula me baloasika ko vou, ni erisaṉa animeta lula meda baroa vairu ama saevo kale. Animeta meqai nianiia komi quli animeko roquemo kale animeko lotu tamania kale amu. Melai vo pui o roquanani ta obeta evani nio voukale.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

1 Timoti 5:6

Melai koa naboko koko pauvezatako ta kota lula kota vouva jari so keru ko kobeta saeva keru.

Jone 5:25

Tuvevo avole aṉata a bazuemela me, taku ta kobeta kueva ni kota lula kota baroa so keru se voumu keta la viqou keru aṉa Baṉara vo Meqora lala ko kora, ni seke viqo amu koa kora ta ke saevou.

1 Koriniti 15:45

Ako eri nio ko Tabu ama Riki kikolani sole, “Vo kuleto ala maba Adami ta o ereivake ni saevola maba o evake.” Melai vo tovatovala Adami, vo inio vo Jisu, voa auvana vo o katimani ko vairu ama saevo.

Jone 10:10

Vo kuilokuilo ala maba ta o kueva tu kuilole, vouvatole, ni niumaniumatole. Melai aṉata a queva tu seta ke kovou ko saevo, koa pado ama saevo, uri ama quli kokai sukatako.

Kelokelozato 3:1

“Ṉota eria rikito eve sai Sadisi ama lotu qoqono ko mateana kasi: Eri nio koa bazu koko kuevako vokasi azo vo okai lekasa puani koa sikeura auvana vo Baṉara ko ni koa sikeura suti sala. Aṉata aqai nianiia ko me lula me erekako quli ni aṉata a melai nianiia ta meta saevo mela jaria mela lelo, melai meko tuveano ta meta vou mela inio!

Luke 15:32

Uri kio animeta me ereka ko ṉojola ni me zoleiva, ako ṉovo visi vo lula ota vovini jari ala ta mata o saeva erisaṉa, vo lula ota mumaini melai vota mata o purata,’ kiolake.”

Luke 15:24

Ako nea meqora aṉavo ta lula ota vovini jari nio, melai vota mata o saeva erisaṉa, vota lula ota mumaini melai vota mata o purata sole,’ kiolake. Nio ko ṉojola ta ko tanitake.

Matiu 8:22

Melai Jisu ta eri kiolake vokasi, “Ṉota luluela aṉa. Vaema se pui kekai baroani ko auvana kale ama saevo tu ke mutamo seko vouma maba poso,” kiolake.

2 Koriniti 5:14

Eṉeta ṉe matu iruruputa ako vo Karisito ta o matu roqueṉela eṉe sole, ako eṉeta ṉeqai nianiia ta voa omadeu pado maba inio oma vovi kiadama maba madu ni animea kiada mela ta omadeuvo meqai zomane jari voko voukale, ni omadeuvo vo voula maba jari vo pui opa ereko ala ko sarueko, animeta me male tu pui mata ereko ko sarueko.