2 Timoti 4:17 - BAṈARA KO VAIRU AMA LEVELEVEO

¹⁷ Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

2 Timoti 4:17 交叉引用

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

Hiburu 11:33

Seko vai oqu kale vo Baṉara seta ke kati pazokiniake kama matu peuru poso ni ke koqotaekake; korotoma ni sidopu ama quli ke erekake ni ke koake ko quli vo Baṉara oma inainaekema quli. Kake ta ke evake laione poso sate, melai pui ko nanaemake.

Iruruputo 23:11

Ni koa ipu kale inio vo Lekasa Jisu ta o lojoake Paula ko sipole ni eri va kiolake, “Pui ṉalo! Ṉota lula ṉolai bazubazuta aṉa koi Jerusalema peuru kale, ni ṉota mata soa bazubazuto ṉolai elou Romu peuru kale,” kiolake.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

Matiu 10:19

Ni so keru seke melati ziovou keru me titizikinio kale, meta pui tiṉoliṉoli meqai elou ko noi nio me kimevo avo kio seke melai kuirikani me ko ruqe kasi. Melai so keru ko barolou keru meko pesio ko taku inio kota ko puariziovou mekasi ko quli me meqai pesiovo ama.

2 Timoti 3:11

aṉako toraeko ko naqunaquto ni aṉako tolailo sama upotuqu. Ṉota ṉobe paqumuka kiadama koko ereima quli aṉa kasi sai Anitioko, Aikoniami, ni sai Lisitara peuru poso kale, koa matu ruqe ama niumaniumato poso ko aṉa ko tolaelema! Melai vo Lekasa Jisu ta o pakiele aṉa koa kiadama tapata poso kale azo.

1 Timoti 1:12

Aṉata a ilusiva vo Jisu Karisito animevo Lekasa vo o pizatilani aṉa aṉako iruruputo kale. Aṉata a ilusiva vo, ako vota o malezilake ni o pitoelake sole tu ava nabuluputo vo,

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

2 Koriniti 12:9

Nio vota eri ama tiorizato o lati erekake aṉa, “Aṉako tauvezato sama roquano ta ko male noqoeṉo ṉoko tapata kale, ako aṉako pizato ta matu piza kama, so keru ṉoko lekuleku keru,” la kiove.

Luke 21:15

ako aṉata a qatimelou me ko pesio ni uri ama kerukeru sole ko puliala kala pado mevo kana opa roveovo ama lipato tamela iko ni tamela tizaeko.

Luke 1:1

Ṉova Tiopilasi: Kubo madu ta lula ke madoe rikieko kiadama quli ko lula ko ereivako eṉe kasi ko bazu.

Romu 15:31

Vararaitomo tu aṉata a bakio se pui ke tuvevo putani Jiudia ke evani ko ṉase topi azo ni vo Baṉara ko maba madu Jerusalema peuru kale amu ta keka zoleilou aṉa ama borikako quli.

2 Timoti 2:1

So sole ṉo, ṉo a meqora ṉa, ṉota pizate koa pakiezato sama roquano kale ko animeko omadeu vati elo vo Jisu Karisito ko katimelako.

2 Timoti 2:9

Ni aṉako kai bazubazuto ko Uri ama Bazu kale avo inio aṉata tapata aqai eva ni aqai pirizia seini kale omadeuvo kala maba qavuna ko bazu o pazokani jari. Melai vo Baṉara ko bazu ta pui ko pirizia seini kale,

2 Timoti 4:5

Melai ṉota vinai ṉo ṉavi ṉoko uri ama kerukeru kale kiada keru, pataite tapata kale, ereka ko iruruputo vo Uri ama Bazu okai bazutani ko, ni puratika ṉoko pado ama va nabuluputo vo Baṉara.

Taitasi 1:3

ni koa tutututuki ama taku kale vota kasa o ikake voko bazu kale. Ko ikio koa Uri ama Bazu vo Baṉara animevo Pakio o katilema aṉa tu aqai bazubazuto.