2 Timoti 4:16 - BAṈARA KO VAIRU AMA LEVELEVEO

¹⁶ Aṉako kuleto ama taku kale titizato kale ta puliala ta opa lati loje aṉa; seta ke vaele muli a qiada pado. Aṉako vararaito kale aṉata a baseva vo Baṉara tu vota pui omai kuirikou ko.

2 Timoti 4:16 交叉引用

Iruruputo 7:60

Nio vota o iqeiqeake ni matuma kora sama pesio o erekake ni eri kiolake, “Lekasa! Ṉota pui tama kerukerueko komia sarueko tu ṉota ṉomai besiekou ko!” Vota so kiolake ni ota vouvake.

Jone 16:32

Melai a bazuemela me ko eri: taku ta kobeta kueva, ni kota matu sipole erisaṉa, so keru mea kiada mela aza birebire me elou keru ni me joqoilou keru me ṉaviṉavi ko peuru kale, ni aṉata ojolou ada elou a qiada pado. Melai pui maba ojolou aba elou, ako a Mama ta o eva aṉa sase sole.

Maka 14:50

Ni sai nio sea kiadama disaipeli madu ta keta va soqoike.

1 Pita 3:15

Melai ilusivomo vo Karisito meko bulo kale ako vo inio mevo Lekasa sole. Ni inainaomo kiada keru tu ma rupasikomo seke mela kuiriko amu me tu mema zakaremu puekou meko tuvevo puto sama kerukeru tu kovo noqola kama saevo.

2 Timoti 4:10

Ako Demasi ta lula o vaele aṉa sole voko roqueko kale komia erisaṉama peuru ma peuru ama quli kale, ni vota lula ota ola Tesalonaika peuru kale. Ni Keresikenisi ta lula ota ola Qelesia peuru kale ni Taitasi ta Dalamesia peuru kale sole.

2 Timoti 1:15

Ṉota ṉomai nianiia kiadama lotu maba se Eisia peuru poso kale amu ta lula ke vaele aṉa, Puqelasi ni Hemoqenesi melai qota la soqoi.

Pilipai 1:17

Melai kake ta aivekinio kale kevai bazubazuta vo Karisito pui uri ama vatolo kale, ako seta kekai zaria tu zaraelo aṉa sole aṉa pirito pade kale abeta eva keru.

Pilipai 1:7

Meta aṉako roquano sama kerukeru kale kiada keru! So inio aṉata aqai nianiia ta aṉata a male tu a roquemelo mea kiada mela. Ako mea kiada mela ta me zomane sole aṉa sate vo Baṉara o katilema iruruputo kale, vo o katilema voko pakiezato sama roquano kale. Ni meta me zomane sole aṉa sate koa iruruputo kale so keru aṉa a qati qaraqarate keru ko Uri ama Bazu ni so keru aṉa aqai bazubazute keru koa tuveano sama Bazu, ni meta mata erisaṉa me zomana aṉa sate so keru aṉa pirito pade kale a eva keru.

2 Koriniti 7:11

Kemo vo Baṉara lula o erekako quli meko komia duki kale! Ako kota lula ko pizatimela me, ni dikidau ko imela tu me duvevo pueko meko sidopu, ni meko taka ṉalo ko sarueko! Koa meko duki ta kasa ko ika ta meta pui me jaruiva ni meta me roquela aṉa, ni meta meqa zaria pizatilo aṉa, ni koqo ivo vo o saruekeni aṉa kasi! Meta lula kasa meda eva meko bulo ko besizio kale ta meta kuiripato pidea mela koa tapata kale.

1 Koriniti 9:3

So keru maba madu pui ke tuvevo puela keru, aṉata eria opato a eva:

Iruruputo 25:16

Melai aṉata amai bazuekake se ta anime Romua mela ta pui animeko kalo ikio tu vai kuiriko kala ni vouvaevo, melai vota o toraemou seke vai kuirikani saita tu vota o opatikou se kevai kuirikako quli.

Iruruputo 22:1

“A baerebaere poso mela ni a mama poso mela, meta tala viqomo aṉako qaraqarailo sama pesio mekasi ama!” kiolake.

Luke 12:11

Ni vo Jisu ta mata eri kiolake voko disaipeli madu kasi, “Ni so keru seke melati ziovou keru titizikinio kale seko ilusato pade poso kale, ni se qavuna poso ni se lekasa poso ko tanama kale, meta pui tiṉoliṉoli meqai elou ko noi nio me kimevo avo kio seke melai kuirikani me ko ruqe kasi.

1 Koriniti 13:5

Seta pui ruqe ama kalo samu ni pui ke kiadaivani ni pui ke ṉuruṉuruani. Seke roquanani ta pui mamola saṉa ke ika edolomu ko sarueko poso.

2 Timoti 4:15

Ṉota tava balauve vo, ako vo inio o matu kanaekikani ko anime meqai bazutako Uri ama Bazu sole.