2 Timoti 3:15 - BAṈARA KO VAIRU AMA LEVELEVEO

¹⁵ ni so keru ṉo siloa laṉa keru azo ṉota lula ṉoqai nianiiovi ko Tabu ama Riki poso, koko roveako kasa ṉa iko koa keve, koko pakieṉo ama ṉo Jisu Karisito vai oqu kale.

2 Timoti 3:15 交叉引用

Luke 24:45

Nio vota oma veukake seko kerukeru tu seta ke paqumuke Tabu ama Riki poso kikolani,

Luke 24:27

Nio Jisu ta oka zakaremu puekake nioqa Tabu ama Riki kikovevo vokale avo, Mosese o rikiekema buka poso kasi azo ti kiadama poropita madu ko riki poso kasi.

Matiu 22:29

Nio vo Jisu ta eri ma kiolake se, “Meta meda saruiva meko kerukeru kale, ako meta pui meqai nianiia ko Tabu ama Riki kikovevo, voukale azo mata saevo ko bazu, ni Baṉara ko pizato melai pui meqai nianiia sole.

2 Timoti 1:5

Aṉata a qerukerueka ṉoko tuvevo ama oqu, omadeuvo ṉoko taite Loisi ni ṉoko niania Iunisi ko jari ama. Aṉata aqai nianiia ta koa omadeuma piza kama oqu ikio ṉokasi ama.

Luke 2:40

Ni voa meqora ta ota rapukake ni ota pizatake; ni vota kovai sukatake ko uri ama kerukeru, ni Baṉara ko mauruto ta vo tona.

Romu 16:26

melai erisaṉa inio kota kasa kota eva se poropita madu ko riki poso kale, ni vo saevola Baṉara ko soru ko lulueko kale kota lula zakaremu komai eva kiadama peuru ma peuru kale ama qoqono poso, tu kiadamu ta ke tuvevo puto ni ke zoripato.

Romu 1:2

Ko ikio koa Uri ama Bazu vo Baṉara o kasekema lulavo voko poropita madu kasi koko rikiziovima ko Tabu ama Riki kale.

Iruruputo 10:43

Kiadama poropita madu ta kevai bazute vo, ni ke kaseke ta sea kiadamu seke tuvevo puevo amu vo ta kota ma akoilou seko sarueko poso vo Jisu kale kude,” kiolake.

Luke 24:32

Nio nioqata eri kiqolake qo ṉavio kude, “Tuvevo, aniqeko bulo ta matu vualavuala kota evala so keru vo o qelati pesila keru aniqe keve tona ni o qelai zakaremu puekala keru ko Tabu ama Riki kikolani,” kiqolake.

Iruruputo 17:2

Voko kalo sole Paula ta o olake ilusato ko pade kale. Ni zouke Sabati ṉaniu kale vota okai pesipesitake ko Tabu ama Riki,

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.

Iruruputo 13:29

Ni seko vai ereko koa kiadama quli Tabu ama Riki ko pidokivema vo ko tova, seta ke saqorivake vo korosi topi azo ni ke vaevake kama pado keaka niami kale.

2 Pita 3:16

Ni so inio kiovevo kiadama voko riki poso kale. Kama voko riki ta matu tapata kama ni kake maba poso udo amu ni lekuleku amu seko oqu kale ta sarusarua mati nianiiekiko ke eva, kebe mati ikani kiadama Tabu ama Riki poso. Melai so ke kavani ta ke kati kueva inio ke ṉaviko noqola tolailo.

Luke 1:15

Vota raura kala maba o elou vo Baṉara ko vilu kasa, ni vota maba pui opa nozuekou ko vaini ko ju ni piza kama ju, melai Tabu ala Auvana ta ovai sukatou vo puliako vo alilo.

Jone 5:47

Melai meta pui me duvevo puekani mela vo Mosese ko riki, sole noni kale inio meta me duvevo puekou aṉako bazubazu?” kiolake.

Iruruputo 16:1

Ni Paula ni Sailasi ta qo olake Debi ni sai kazo Lisitara peuru kale sai kala lotu maba o evakoi o ṉi ta Timoti va kikelani. Voko niania melai kama pado lotu maba, kota Jiu ama, melai vovo mama ta Quriki ala.

Iruruputo 26:24

Ni so keru vo Paula soa qaraqarailo pesio o eva keru, nio Fesitasi ta ovai upaupatake vo, “Ṉoda sarubeputa inio ṉo Paula! Noko matuma nianiio ta ko sarube pueṉa ṉo!” kiolake.

Romu 2:27

Me Jiu amu mela inio koa Bazu samela ni me inio mea movemovea mela, melai meta me bikoirika koa Bazu sole meta kuirikuiria mela se pui Jiu amu kasi, se pui movemove amu melai ke zorikani koa Bazu.

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

Epesasi 6:4

Ni me mama poso mela, meta pui me qorakoraemou meko meqora poso, melai meta odiemomo se vo Lekasa Jisu okai nianiiekatema ni okai bazubazutema jari ama kalo kale.

1 Timoti 4:13

Ako aṉata ada baroloa lala inio, so sole ṉota pui lalamato tiromiko ko Tabu ama Riki ubutiania ni pui lalamato kai bazubazuto ni kai nianiiekato.

2 Timoti 1:1

Aṉa Paula lala ta kala pado apositolo Jisu Karisito vo a eveni lala vo Baṉara ko vatolo kale, a joroini lala tu aqai bazuto vo Baṉara lula leveleveo o ikema saevo ko anime me qoako animeko omadeu vati elo vo Jisu Karisito kale.