2 Timoti 3:11 - BAṈARA KO VAIRU AMA LEVELEVEO

¹¹ aṉako toraeko ko naqunaquto ni aṉako tolailo sama upotuqu. Ṉota ṉobe paqumuka kiadama koko ereima quli aṉa kasi sai Anitioko, Aikoniami, ni sai Lisitara peuru poso kale, koa matu ruqe ama niumaniumato poso ko aṉa ko tolaelema! Melai vo Lekasa Jisu ta o pakiele aṉa koa kiadama tapata poso kale azo.

2 Timoti 3:11 交叉引用

Iruruputo 13:45

Nio so keru se Jiu amu ke kea keru ko matuma padopadoilo sai, inio seta keta matu konoivake, ni pesipesi saṉa ke ikake vo Paula o kasekema quli, ni ke ruqe kasevake vo.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

2 Timoti 4:7

Aṉata abe paika pazokinio komia uri ama pazokinio kale, ko anime meqai pazokiniako. Aṉata aqai baroa lotu saevo ko voziekinio ko paitopaito kale. Aṉata pui aba vaeke ko oqu.

Iruruputo 26:22

Melai vo Baṉara ta o tauvelake aṉa ti kobeta baroa komia ṉaniu, so sole aṉata abe lojoa ni avai bazubazuta vo Jisu mea kiada mela kasi, silo ni matu. Ko quli aṉa a qasekako quli ta koa ijama quli se poropita madu ni Mosese ke kasekema ta kota elo ama quli ka kikevema ikio, ko eri;

Iruruputo 26:17

Aṉata a bakieṉou ṉo se Jiu amu ni se pui Jiu amu ko ṉase topi azo sai aṉa ṉo a joroeṉoa koi sekasi.

Iruruputo 23:10

Ni ko zolizoliekinio ta matu ti matu naizato kota evake ni voa solodia madu ko kuleto ala ta ota ṉake tu vo Paula ta silosilo pala ke ivo. So sole vota o bazuemake voko solodia madu tu ke saqoro tu ke noqoevo vo Paula, tu ke vati zio sekasi azo idi qara ko poro kale solodia madu ko zaekale.

Iruruputo 20:19

Kiadama aṉako zarazarailo ni kubo aṉako deumu sate aṉata a erekake aṉako iruruputo aṉako va nabuluputo kale vo Baṉara koa tapata kama taku poso kale koko baroima aṉa kasi se Jiu amu ko la abamato kale sole.

Iruruputo 13:14

Ni nioqata qopeta olake talio ni qo baroake Anitioko peuru kale Pisidia rana, ni Sabati ṉaniu kale inio nioqata qo amaqeake Jiu amu ko ilusato ko pade kale ni qo papuake sai.

Iruruputo 9:16

Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

Iruruputo 14:8

Ni Lisitara peuru kale ta kala raiqo ala maba soa alilo o eveni obeta evake vo pui o roveani talio.

Romu 15:31

Vararaitomo tu aṉata a bakio se pui ke tuvevo putani Jiudia ke evani ko ṉase topi azo ni vo Baṉara ko maba madu Jerusalema peuru kale amu ta keka zoleilou aṉa ama borikako quli.

2 Koriniti 1:5

Eṉeko omadeu vati elo kale vo Karisito eṉeta ṉeqai zomana kovo kubo voko tola poso ni so jari eṉeta mata ṉeqai zomana kovo vo Baṉara ko matuma patukato eṉeko omadeu vati elo vo Karisito.

2 Koriniti 1:7

So sole eṉeta ṉeqai uria nianiia koa meko kai zomano koa tola eṉeko tola poso, ni eṉeta ṉeqai nianiia ko Sokale avo inio me melai me qovou koa tauvezato ko eṉe ṉe qoako jari ama.

2 Koriniti 12:10

So sole aṉata aqai matu zoleiva ni aqai rauraraurailou aṉako lekuleku, tu aṉako lekuleku kale vo Karisito ko pizato ta ko elou aṉa tona. Vo Karisito ko ṉikale avo aṉata aqa zoleiva koa lekuleku, ni zarazarato, ni olaquavo, ni niumaniumato, ni tapata poso, ako so keru aṉa lekuleku a eva keru, so keru inio aṉata mata a bizata vo Karisito ko pizato kale sole.