2 Pita 1:8 - BAṈARA KO VAIRU AMA LEVELEVEO

⁸ Ni komi quli ta ko elou me tona ni ko rapukou ni matu ko elou ta ko ikio ko tauvemelou ni meta pui utua mela melai ko ikio ko tauvekou meko vai nianiio animevo Lekasa Jisu Karisito tu kokale meko saevo ta uri ko elou.

2 Pita 1:8 交叉引用

Taitasi 3:14

Mata animeko lotu qoqono poso ta ke male tu kekai nianiio tu dikidauputole uri ke ereko, tu seta ke tauvezato koa maba tuvevo ama zario poso kale, maba poso ko saevo ko korotikako, tu seta pui ke saevo utu ama saevo kale.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Jone 15:2

Nio vota o kobueka ni o ṉamuka kiadama kata poso ko pui ko epamatako aṉa kasi azo, ni vota o puputika kiadama kata poso koko epamatako tu kota tova ko matu velokou.

Hiburu 6:12

Meta pui lupalupato melai meta seke kovo amu vo Baṉara oma inainaekako quli jaria noqola oqu emo.

Pilipai 1:9

Ni aṉata a melati vararaita me tu meko roquano ta ko rapukou matuvole, tu meta me qovou ko tuvevo ama nianiio meko roquano kale.

1 Tesalonaika 4:1

Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

2 Pita 1:2

Baṉara ko pado ama pakiezato sama roquano ni bule ta o katimelou me meko vai nianiio kale vo Baṉara ni Jisu animevo Lekasa.

Pilimone 1:6

Aṉako vararaito ta ṉoko oqu ko puratikako tauvezato sama roquano ta ko pizatou ṉoko uria paqumuko kale kiadama mauruto ko anime me qoako animeko omadeu vati elo kale vo Karisito.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

Pilipai 2:5

Ni meko saevo kale meta kerukerutomo ni kamo vo Jisu Karisito o kaevo jari.

2 Koriniti 13:5

Meta keazaimo me ṉavi ni titiziomo me ṉavi, tu kai nianiiomo ko meta tuvevo avole oqu samela inio kio. Ako aṉata aqai nianiia ta pui me vaekou meko oqu ta, meta me roveovou kaseko ta vo Jisu Karisito ta me tona inio.

Kolosi 2:7

Meta rakimatomo ni vinaekomo meko saevo vo tona, ni pizatomo meko oqu kale, ko lula me viqema nianiiekato jari. Ni meta kativomo vo Baṉara meko uriavo kiadama quli kale.

2 Koriniti 9:14

Nio seko roquano sama bulo sate seta ke tauvemelou me seko vararaito kale, ako vo Baṉara ko naiza kama ni baiseo sama roquano ta kasa ko eva mekale sole.

2 Koriniti 8:2

Seta lula ke toraekani kubo tapata poso, melai seko zoleilo ta ikoana matuma, ni seko ozaoza saevo kale melai seta matuma katizato ke erekake.

1 Tesalonaika 3:12

Animevo Lekasa inio o rapukikou meko roquekinio me ṉavio kude ni meko roquemo kiadama maba poso, tu kota ko kati ijatinia puekiniou eṉe ṉe imelania roquemelo me.

2 Koriniti 8:7

Meta matu batiroa mela kiadama quli kale, meko matuma oqu kale, meko roverove ama pesio kale, ni meko matuma nianiio kale, meko matuma dikidauputo kale ni meko matuma roqueṉelo kale eṉe. So sole eṉeta ṉe mela zaria me tu meta mata matu puaropuaro emo komia roquano sama iruruputo kale.

Romu 12:11

Matu iruruputomo vo Baṉara ko iruruputo kale ni pui lupalupato. Va nabuluputomo mevo Lekasa meko pado ama bulo kale.

Jone 5:42

Melai aṉata a melai nianiia, ta meta pui me roqueva vo Baṉara meko bulo kale.

Matiu 25:26

“Ni vovo lekasa ta o vati tiorikake ni eri kiolake vokasi, ‘Ṉota matu ruqea laṉa ni lupalupa kala nabulu ṉa! Ṉota ṉolai nianiia ta aṉata a qajorani lala sai pui aṉa a bapatakoi, ni a qoazatani lala sai pui aṉa a iruruputakoi.

Matiu 20:6

“Sipole sike koloko tiniavo raisiraisi inio vota mata o olake maketi ko zaekale ni vota o meake kake maba poso, ni eri ma kiolake, ‘Noi sole inio meta me niumaeka ko taku koi pulia quli me ereka?’ kiolake.

Matiu 20:3

“Nio siakava koloko kale vikale mata nea tanala ta o olake maketi kasi, sai maba poso ke padoivakoi, ni mata o meake kake maba poso se puliama iruruputo samu.

Matiu 13:22

Ni koa sisu koko piako rikosasana ko qotupakoi ta ko mamola puema seke viqani koa bazubazu melai seko riteraite kai elo komia miduku kale ama saevo ni seko roqueko ko batiro ta ko pirieka ko bazu, omadeuvo rikosasana ko pirieka ko sisu jari, so sole koa bazubazu ta pui ko rovea qotupo ni pui ko epamata.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Pilipai 3:8

Ni pui koko kiada, melai aṉata vairutu melai so ka kiala ta koa kiadama quli ti utube ama, ako aṉata a qati podetika sole aṉako vai nianiio vo Jisu Karisito aṉavo Lekasa. Ako vo Karisito kale avo inio aṉata a vaeke sole aṉako lulama saevo ni ko quli ta utube ama ka kiala, tu aṉata a ṉeamuvo vo Karisito

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

2 Pita 1:3

Jisu inio vo Baṉara ko pizato sala. Ni voko pizato kale inio o katimele kiadama quli anime meqai zariako animeko saevo kale tu meva nabuluputo vo Baṉara. Animeta me ṉeamuka komi quli ako animeta mevai nianiia vo Baṉara sole, vo o nokaemeleni anime. Vo Baṉara ta voko ṉaṉaidara ni sidopu kale

2 Pita 2:20

Ako seta ke rupasiovi komia peuru ma peuru ko ruqe kale azo seko vai nianiio kale vo animevo Pakio Lekasa Jisu Karisito. Melai seta mata ke vaitake seko ruqe kale ni koa ruqe ta ko aveavema se, sole seta matu ruqe keta eva kobe kai paloasa seko kuleto ama ruqe.

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.