2 Koriniti 5:9 - BAṈARA KO VAIRU AMA LEVELEVEO

⁹ So inio kiadama quli kale azo, eṉeta ṉeqa zaria tu zolevo vo so keru ṉeqai saeva keru eṉeko koi zama tupu ma sai zama tupu melai.

2 Koriniti 5:9 交叉引用

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

Romu 14:18

Voa maba vo ova nabuluputani vo Karisito koa keve kale ta o zoleva vo Baṉara ni vota uri ala se maba madu kasi.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

1 Timoti 4:10

Animeta matu pazokinio me eva ni meda matu iruruputa, ako animeta meqai kerua animeko kovo vo saevola Baṉara leveleveo o mela kasekema quli, vo kiadamu vo Pakio, melai o maba pakiemani seke tuvevo puevani vo.

1 Tesalonaika 4:11

Meta zuatikomo ko bule ama saevo, ni pui epoepoilo edolomu ko iruruputo kale melai erekomo me ṉaviko iruruputo, tu meta me uria tauveziovou meko elo kale, ko lula eṉe ṉe melai bazuekako me jari ama saevo kale.

1 Tesalonaika 4:1

Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

Romu 15:20

Aṉako matuma zario ta aṉata aqai bazubazuto ko Uri ama Bazu sai vo Karisito ko ṉi sai pui nio keta va viqakoi zama peuru poso kale, ako aṉata pui aqa zaria iruruputo sai kala maba lula o tanitekoi iruruputo sole.

Romu 14:8

Ako anime me jaeva keru, animeta me jaeva inio vo Lekasa kaqe, ni me vouva keru, animeta me vouva vo Lekasa kasi. So sole anime mebeta saeva keru ma me vouva keru, animeta vo Lekasa ko mela.

Iruruputo 10:35

Seke ilusivani vo ni sidopu ke erekani ta o roquema azaazama qoqono maba poso.

Hiburu 12:28

So sole animeta me ilusivou vo Baṉara, ako vota lula o zomanimela anime koa toutou kale vo okai lekasa puako, ko pui ko roveako vezokato. Animeta me ilusivou vo koa keve vo ko zolevo ama kale matuma paṉao sate.

Hiburu 4:11

So sole animeta me matu madoekou tu me qovo koa pakio ko mamazo, tu puliala ta se kekai evevoa kabao okai elou ko, ako seta ke bikobikoirate sole.

Kolosi 1:29

Aṉata a matu iruruputa tu a ereko koa iruruputo ni a matu madoeka vo Karisito ko pizato kale ko aṉa ko matu pizatilako.

2 Koriniti 5:8

Eṉeta ṉeda matu parani puta, ni kota matu uri eṉe kasi tu ṉe vaeko eṉeko miduku kale ama tupu tu eṉeta ṉe elo vo Lekasa sase voko pade kale.

2 Koriniti 5:6

So sole eṉeta ṉebeta parani puta kiada keru. Eṉeta ṉeqai nianiia so keru eṉe ṉeqai saeva keru eṉeko miduku kale ama tupu, eṉeta vaṉa ṉebeta eva animevo Lekasa ko ṉisa peuru kasi azo.

Jone 6:27

Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.

Epesasi 1:6

So sole animeta me ilusivo vo Baṉara ako voko ikio koa ṉaṉaidara kama pakiezato sama roquano sole vo o katimelema anime vovo Meqora kale, vo o matu roquevani.