2 Koriniti 4:7 - BAṈARA KO VAIRU AMA LEVELEVEO

⁷ Ni eṉe lula ṉe qoani ṉela komia Baṉara kasi azo ama bazubazuto ko iruruputo ta omadeuvo ko kiada keru ama miduku raro koko teamukako ko qulepo ama jiku jaria ṉela, tu kasa koma elo se maba poso ko Uri ama Bazu ko pizato ta Baṉara kasi azo ama ni pui eṉeko pizato.

2 Koriniti 4:7 交叉引用

2 Koriniti 5:1

Ako eṉeko tupu komia miduku kale ama ta omadeuvo kama tepe pade ko eṉe puju ama taku kale ṉeqai evako jari. Ni eṉeta ṉeqai nianiia komia tepe pade eṉe ṉeqai evako ko rotiziovou keru ta vo Baṉara ta o katiṉelou eṉe ko paito pide ama saevo ko tupu o ṉavi o ereko ama, ni kota eṉeko noqola kama pade jari aukale ama peuru kale.

1 Koriniti 1:28

Vota o pitoemele anime kalo pidea mela ni kedukedula mela mela kikelani komia ruqe ama peuru ma peuru kale amu, ni anime se pulia quli jaria kerukeruemelo ke evani inio vota o pitoemele tu vota o niumaekou ko quli komia ruqe ama peuru ma peuru kale ama maba poso raura kama ka kikelako quli,

Kolosi 2:3

Vo o kiada inio o roveani melai nianiiekiko vo Baṉara ko mutamuta kama nianiio.

Kolosi 1:27

Kota vo Baṉara ko zario tu kota uria kasa ko elo voko maba madu kasi, se kiadama peuru ma peuru kale ama qoqono poso kale amu, koa bazu lulavo mutamuta kama ko evema, ko qulepo ama ni ṉaṉaidara kama. Komi kio koa bazu: vo Karisito ta o eva meko saevo kale, ni Sokale avo meta me uria vakakuka ta meta meqai zomanou pado ama vo Baṉara ko ṉaṉaidara ni mauruto.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

2 Koriniti 10:10

Ako kake ta eri kikelani, “Paula ko riki poso ta vualavuala kama ni piza kama, melai so keru vo koi eṉe kasi o eva keru, ta lekuleku ala voko tupu kale, ni voko bazubazuto melai pulia quli jari!”

Matiu 13:44

“Vo Baṉara ko lekasa puo ta eri jari. Kala maba ta o kati inota kama mutamuta kama batiro miduku kale, ni vota mata o tova boutaeka melai vota ota matu zoleiva so sole vota ota olake tu kai tatabaraole kiadama voko lomaloma, ni o vaitake ni opa tatabaraekake koa miduku.

2 Timoti 2:20

Matuma pade poso kale ta ikoana azaazama lolulolu ni teamuteamu, kama ta siliva kale ko ereima ni kama ta qolo kale, kama ta ore kale ni kama ta miduku kale, nio kama koa lomaloma ta matumatuma ṉaniu poso kale kai iruruputo kaqe, kama ta kiadama taku kai iruruputo ko.

2 Koriniti 4:1

Eṉeta pui lekuleku ṉe eva, ako eṉeta ṉeqai nianiia ta o ṉaviko pakiezato sama roquano kale inio vo Baṉara ta o katiṉela eṉe komia eṉeko iruruputo sole.

Kolosi 2:12

So keru me bapitaiso me eve keru, meta me mutaziovi jari vo Karisito sase, vo ke mutave keru kea kale voko vou ko tova, ni meko bapitaiso puilo kale meta lula mata me jaeve jari vo Karisito sase, meko kai oqu vo Baṉara ko piza kama iruruputo kale, vo o saeviveni vo Karisito voukale azo.

1 Tesalonaika 1:5

Ako eṉeta ṉe qati kueva vo Jisu ko Uri ama Bazu mekasi sole, pui pesio kale pala ko kiada, melai vo Tabu ala Auvana ko pizato sate, ni eṉeko matu vinavina kai keru koa Uri ama Bazu ko tuveano sate. Ako meta meqai nianiia eṉeko kalo so keru eṉe ṉe eve keru mekasi ta ko tauvemele me.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

2 Koriniti 13:4

Ako vota o vouvai korosi topi lekuleku ala, melai erisaṉa vota o saeva vo Baṉara ko pizato kale. Ni eṉe voko apositolo ṉela ta lekulekua ṉela, melai eṉeko mekasi ama iruruputo kale eṉeta ṉeqai zomanou kovo vo Baṉara ko pizato vo Karisito ko saevo kale, nio piza kavole ṉe jidopu puemelou me.

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

Matiu 13:52

Nio Jisu ta mata eri kiolake sekasi, “So inio kiadamu vo Mosese ko Bazu ko nianiiekato ko maba poso se kekai nianiiani ko vairu ama nianiiekato vo Baṉara ko lekasa puo ko, ta vo pade sala jari vo o saqorikani voko lomaloma vairu ama ni tana kama voko lomaloma o tukiekakoi kazo.”

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

1 Tesalonaika 4:4

Mea kiada mela ta paqumukomo tu uria emo me ṉaviṉavi ko reko kasi tabu ama rauraekinio ko keve kale,