2 Koriniti 4:1 - BAṈARA KO VAIRU AMA LEVELEVEO

¹ Eṉeta pui lekuleku ṉe eva, ako eṉeta ṉeqai nianiia ta o ṉaviko pakiezato sama roquano kale inio vo Baṉara ta o katiṉela eṉe komia eṉeko iruruputo sole.

2 Koriniti 4:1 交叉引用

2 Tesalonaika 3:13

Melai me, a qaka ni visi poso mela, meta pui jairoko ereko ko uri ama quli.

Qelesia 6:9

So sole animeta pui me jairozo uri ereko, ako so inio animeta me qovou sole koko epa noqola kama, tutututuki ama taku kale. Sole animeta pui niaba me elo.

Epesasi 3:13

So sole aṉata a basemela me tu meta pui lekuleku me elou ko aṉa kobe lai ereivako tapata ni tolailo ko kerukerueko kale, ako aṉako kai tolailo aṉako melati koidipo me ta meko rauraemelako quli kio sole.

Pilipai 4:13

Ako vo Karisito inio o pizatilani sole. So inio aṉata a rovea kai zoleilo kiadama quli ko a doraeko ama quli kale.

2 Koriniti 4:16

Sokale avo inio eṉeta pulia kude lekuleku ṉe eva eṉeko bazubazuto ko iruruputo kale. Eṉeko tupu ta kobeta lepuka, melai eṉeko kerukeru ta piza kobeta eva kiadama ṉaniu.

Kelokelozato 2:3

Meta me bizaka lojoa, ni lula ko tolaemela ko tapata poso aṉako ṉikale avo, melai meta pui koqo me eva.

Hiburu 12:3

Meta kerukeruevomo vo Jisu, vo pui opa lupaovini tu vota o tolailo koa tola vo o koema tola se sarueko sama maba madu ko ṉase topi se kevai kideipeni vo. So sole meta pui duki ni koqo elo meko bulo poso kale.

2 Koriniti 3:6

Vo inio bokao saṉa o iṉela tu ṉeva nabuluputo vo eṉeko kai bazuto kale voko vaini ama leveleveo. Komia vairu ama leveleveo kale animeta pui me zorika kama bazu koko rikiziako, melai kota Baṉara ko Auvana kio me zorika. Koa lula ko rikiziovima Bazu ta ko kati kueva ko vou, melai vo Baṉara ko Auvana ta ko puarika ko noqola kama saevo.

1 Pita 2:10

Ako lulavo meta pui vo Baṉara ko maba poso mela, ni meta pui meba kai nianiiovi vo Baṉara ko tauvezato sama roquano, melai erisaṉa meta voko mela, ni meta me qoa voko tauvezato sama roquano sole.

1 Timoti 1:13

rouka ruqe kasevo abe eve vo lulavo ni abe niumaniumaeve vo aṉako ruqe imo kale voko maba madu. Melai animevo Lekasa Jisu ta o matu roquele aṉa ni ota la akoeke ko, ako so keru ta aṉata pui nio avai oquke vo sole ni pui nio aqai nianiiake ko aṉa a erekema quli ta ruqe ama kio sole.

2 Koriniti 5:18

Koa kiadama ta vo Baṉara ko iruruputo, vo o ṉelati odouveni eṉe voko kana madu ṉela ni voko baerebaere poso o iṉeleni eṉe, ni o katiṉeleni ko koidi tu mata kake ta voko baerebaere poso ṉe imo.

2 Koriniti 3:12

Ko ikio eṉe ṉeqai keruako leveleveo, ni Sokale avole inio eṉeta matu parani putole ṉeqai bazuta.

1 Koriniti 7:25

Zio, ko quli me lula me rikiekake se pui ke rorotani reko poso kale avo, ta puliama bazu ada ka koa vo Lekasa Jisu kasi azo. Melai aṉata a melai bazuekou aṉako kerukeru, ni vo Baṉara ko roquelo kale aṉata a male tu lai kerumo.

Luke 18:1

Jisu ta omai bazuekake voko disaipeli madu kama pado podepodeti tu o nianiiekimo tu seta ke vararaito kiada keru, ni pui niaba ke elou.

1 Koriniti 3:5

Lala inio vo Apolosi? Ni lala inio vo Paula? Eqeta vo Baṉara ko nabulu qela pala inio qe odiemeleni qela me nio meta oqu saṉa me eve. Eqeta vo Baṉara o katiqeleni qela koa koidi tu eqeta qe ereko ko.