Biblia Todo Logo
在线圣经

- 广告 -




2 Koriniti 3:1 - BAṈARA KO VAIRU AMA LEVELEVEO

1 Soama pesio poso kale ta eṉeta lula ṉe danie rauraraurailo mata ṉe ṉavi eṉe kio? Pui! Kake maba poso ta ke paseka ko leta poso mekasi azo tu ke kati zio edoloma lotu qoqono kasi. Koa leta poso ta ko kaseka meko mai zoleilo sea maba poso. Melai eṉeta pui ṉeba pasekou soama leta mekasi azo, ni mata pui ṉeba pasekou soama leta edolomu kasi azo tu ṉe qatimelou me.

参见章节 复制




2 Koriniti 3:1
13 交叉引用  

Aṉata kala sarube ala maba jaria rauraraurailo abe eva, melai me inio so me ilani mela ko aṉa. Ako me inio me male tu rauraelo aṉa sole, melai meta pui meba lai zolei ko aṉa. Ako aṉata pulia quli lala abe elou melai, aṉata maba pui zara kalala sea meko matuma “apositolo” madu ma kimelani kasi azo sole.


Ako eṉeta pui ṉe male tu eṉeta ṉe mati podetio seke raurarauraivani. Ako seta sarube amu sole! Seta keka raurarauraiva ke ṉaviko iruruputo ni ke zarazaraeka edolomu ko iruruputo.


Eṉeko so kio ta pui ṉe madoeka tu rauraraurailo ṉe ṉavi mekasi melai eṉeta ṉe qatimela me koko raki tu ṉela zoleimo eṉe, so inio meta me roveovou opatimo se maba poso se keka zoleivani ko maba ko topia uri pala, se pui ke kerukeruekani ko maba ko saevo ni kalo.


Ni Apolosi ta oka zariake zio Akaia ranama peuru poso kale, so sole se Epesasi ama lotu qoqono ta ke tauvevake vo seko ma rikieko kale seko paseto sama leta Akaia ma lotu qoqono poso kasi tu seta ke baroekivo vo. Ni so keru vo o baroa keru sai, vota o matu tauvemake sea maba poso vo Baṉara ko pakiezato sama roquano kale ke tuvevo puteni.


Ni so keru aṉa a qilou keru inio meta me bitoemou kake tu ke kati zio koa takula Jerusalema peuru kale, ni meta mema rikiekou ko leta poso seko koidi ko zakaremu puto sama, ni me joroemou se.


Esa meko kerukeru kale ta aṉata a ṉavi ada kerukeruiva komia pesipesi kale esa kimela. Pui! Aṉata a besia uri ama vatolo kale o ṉavi Baṉara ko tanama kale, aṉako va nabuluputo kale vo Karisito, ni kiadama quli aṉa abe kasekako quli, ta meko tauvemelo kaqe, a lolo poso mela.


Ako aṉata pui a qurata tu aqai abaro sole koa pizato vo Lekasa o katilema aṉa, ako komia pizato ta meko oqu tauveko kaqe, pui meko oqu niumaeko kaqe sole.


Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.


Meta me qalou omadeuvo aṉa a qavani jari, ako aṉata a madoe tu kiadama maba poso ta kekai zoleilo kiadama aṉa a erekako quli. Aṉata pui aqai kerukeruiva aṉako tauvezio, melai edolomu ko tauvemo ikio, ako aṉako zario ta sea kubo madu ta ke pakiovou.


Ako meta mebe ṉeamumou toni vuro meko vilua pikopiko madu meko lotu saevo kale, melai omadeu maba inio mevo mama jari ala. Ako meko omadeu vati elo vo Jisu Karisito kale ta aṉa inio mevo mama jaria lala a borikeni lala ko Uri ama Bazu mekasi.


Aṉata ava irurupute vo Baṉara koa bokao vo o katilema kale ni aṉata a dauvemele me tu mevai oqu vo Jisu, omadeuvo kala roverove ala pade ko ereko kale ta o ereka ko piza kama lado vola jari. Ni erisaṉa edolola maba Apolosi inio o nianiiekatani mekasi omadeuvo kala maba vo o padematani koa vola topi jari. Melai animea kiada mela ta meva iruruputa vo Baṉara tu me dauvekinio voko qoqono kalea mela omadeuvo kala maba vo o orumukani ko pade jari. So sole animea kiada mela ta uria korokoroti me ikou animeko iruruputo.


Aṉata a melai bazueka ko animeko visi Foebi ta kama uria iruruputo ama reko, koko nabuluputako Kenikarea lotu qoqono kasi.


Ako vo Baṉara o rauraevani maba inio o zolevani vo Baṉara sole, pui voa maba vo o raurarauraivani o ṉavi inio.


跟着我们:

广告


广告